AtthaPali Vol.32

Anuttarasamadhina nibbanam arammanam katva sutthu samahitacittataya susamahitacitto, imanca attham avuso khettapala yathaham vadami, evam janahi saddaha adhimuccassu. ^1- Amogha te kutika kata taya ^2- kata kutika amogha avanjha saphala saudriya, yasma arahata khinasavena paribhutta. Sace tvam anumodasi, tam te bhavissati digharattam hitaya sukhayati. Tam sutva khettapalo "labha vata me, suladdham vata me, yassa me kutikayam ediso ayyo pavisitva nisidati"ti pasannacitto anumodanto atthasi. Imam pana tesam kathasallapam bhagava dibbaya sotadhatuya sutva anumodanancassa natva tambhavinim sampattim vibhavento khettapalam imahi gathahi ajjhabhasi:- "vihasi kutiyam bhikkhu santacitto anasavo tena kammavipakena devindo tvam bhavissasi. Chattimsakkhattum ^3- devindo devarajjam karissasi catuttimsakkhattum ^4- cakkavatti raja ratthe bhavissasi. Ratanakuti nama paccekabuddho vitarago bhavissasi"ti. Kutikayam laddhavisesatta pana therassa tato pabhuti kutiviharitveva samanna udapadi. Ayameva ca therassa annabyakaranagathapi ahositi. Kutiviharittheragathavannana nitthita. -------------- @Footnote: ¹ Si. adhimuncassu ² Si. ayam taya ³ Si. chattimsakkhattum ⁴ Si. ratanakutiko

The Pali Atthakatha in Roman Book 32 page 202. http://84000.org/tipitaka/pitaka_item/read_rm.php?B=32&A=4511&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=4511&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=193 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5305 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5549 The Pali Tipitaka in Roman Character :- http://84000.org/tipitaka/read/roman_read.php?B=26&A=5549 Contents of The Tipitaka Volume 26 http://84000.org/tipitaka/read/?index_26