AtthaPali Vol.3

{344} Chakanenati gomayena. Pandumattikayati tambamattikaya. Mularajanadisu haliddam thapetva sabbam mularajanam vattati. Manjetthanca tungaharanca thapetva sabbam khandharajanam vattati. Tungaharo nama eko kantakarukkho tassa haritalavannam khandharajanam hoti. Loddanca kandalanca thapetva sabbam tacarajanam vattati. Allipattanca nilipattanca thapetva sabbam pattarajanam vattati. Gihiparibhuttam pana allipattena ekavaram rajitum vattati. Kimsukapupphanca kusumbhapupphanca thapetva sabbam puppharajanam vattati. Phalarajane Pana na kinci na vattati. Situdakati apakkarajam vuccati. Uttaraluvanti vattadharakam. Rajanakumbhiya majjhe thapetva tam adharakam parikkhipitva rajanam pakkhipitum anujanamiti attho. Evam hi kate rajanam na uttarati. Udake va nakhapitthikaya vati sace hi pakkam hoti udakapatiya dinno thevo sahasa na visarati nakhapitthiyampi avisaranto titthati. Rajanulunkanti rajanaulunkam. Dandakathalikanti tameva sadandakam. Rajanakolambanti rajanakundam. Maddantiti omaddanti. Na ca acchinne theve pakkamitunti yava rajanabindu galitam na chijjati tava annatra na gantabbam. Patthinnanti atirajitatta thaddham atibharitanti attho. Udake osadetunti udake pakkhipitva thapetum. Rajane pana nikkhante tam udakam chaddetva civaram madditabbam. Dantakasavaniti ekam va dve va vare rajitva dantavannani dharenti.

The Pali Atthakatha in Roman Book 3 page 235-236. http://84000.org/tipitaka/pitaka_item/read_rm.php?B=3&A=4846&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=3&A=4846&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=110 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3044 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3208 The Pali Tipitaka in Roman Character :- http://84000.org/tipitaka/read/roman_read.php?B=4&A=3208 Contents of The Tipitaka Volume 4 http://84000.org/tipitaka/read/?index_4