Atthakatha Book 34 : PALI ROMAN
Theri.A. (paramatthadi.)

                    415. 14. Sumanatherigathavannana
      dhatuyo dukkhato disvatiadika sumanaya theriya gatha.
      Tassa vatthu tissatheriya vatthusadisam. Imissapi hi sattha obhasam
vissajjetva purato nisinno viya attanam dassetva:-
       [14] "dhatuyo dukkhato disva     ma jatim punaragami
             bhave chandam virajetva     upasanta carissasi"ti
imam gathamaha. Sa gatha pariyosane arahattam papuni.
      Tattha dhatuyo dukkhato disvati santatipariyapanna 1- cakkhadidhatuyo itarapi
ca udayabbayapatipilanadina "dukkha"ti nanacakkhuna disva. Ma jatim punaragamiti
puna jatim ayatim 2- punabbhavam ma upagacchi. Bhave chandam virajetvati kamabhavadike
sabbasmim bhave tanhachandam viragasankhatena maggena pajahitva. Upasanta carissasiti
sabbaso pahinakilesataya nibbuta viharissasi.
      Ettha ca "dhatuyo dukkhato disva"ti imina dukkhanupassanamukhena vipassana
dassita. "bhave chandam virajetva"ti imina maggo, "upasanta carissasi"ti imina
saupadisesa nibbanadhatu, "ma jatim punaragami"ti imina anupadisesa nibbanadhatu
dassitati datthabbam.
                     Sumanatherigathavannana nitthita.
@Footnote: 1 cha.Ma. sasantatipariyapanna  2 Si.,i. ayati


             The Pali Atthakatha in Roman Book 34 page 26.
http://84000.org/tipitaka/pitaka_item/read_rm.php?B=34&A=557&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=34&A=557&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=415
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=8950
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=9024
             The Pali Tipitaka in Roman Character :-
http://84000.org/tipitaka/read/roman_read.php?B=26&A=9024
             Contents of The Tipitaka Volume 26
http://84000.org/tipitaka/read/?index_26