Atthakatha Book 32 : PALI ROMAN
Thera.A.1 (paramatthadi.1)

                  227. 10. Samidattattheragathavannana
      pancakkhandha parinnatati ayasmato samidattattherassa gatha. Ka
uppatti?
      ayampi purimabuddhesu katadhikaro atthadassissa bhagavato kale kulagehe
nibbattitva vinnutam patto satthari parinibbute tassa thupe pupphehi
chattatichattam katva pujam akasi. So tena punnakammena devaloke nibbattitva
aparaparam punnani katva devamanussesu samsaranto imasmim buddhuppade rajagahe
annatarassa brahmanassa putto hutva nibbatti, samidattotissa namam ahosi. So
anukkamena vinnutam patto buddhanubhavam sutva upasakehi saddhim viharam gato
sattharam dhammam
@Footnote: 1 Si. agadhaduruttaranatthena
Desentam disva pasannamanaso ekamantam nisidi. Sattha tassa ajjhasayam oloketva
tatha dhammam desesi, yatha saddham patilabhi samsare ca samvegam. So patiladdhasaddho
samvegajato pabbajitva nanassa aparipakkatta katipayakalam alasabahuli vihasi.
Puna satthara dhammadesanaya samuttejito vipassanaya kammatthanam gahetva tattha
yuttappayutto viharanto na cirasseva 1- arahattam papuni. Tena vuttam apadane  2- :-
          "parinibbute bhagavati           atthadassinaruttame
           chattatichattam karetva       thupamhi abhiropayim.
           Kalena kalamagantva       namassim lokanayakam
           pupphacchadanam katvana          chattamhi abhiropayim.
           Sattarase kappasate          devarajjamakarayim
           manussattam na gacchami         thupapujayidam phalam.
           Kilesa jhapita mayham        bhava sabbe samuhata
           nagova bandhanam chetva       viharami anasavo.
           Svagatam vata me asi        buddhasetthassa santike
           tisso vijja anuppatta      katam buddhassa sasanan"ti.
      So aparabhage bhikkhuhi "kim taya avuso uttarimanussadhammo adhigato"ti
puttho sasanassa niyyanikabhavam attano ca dhammanudhammappatipattim tesam pavedento
annabyakaranavasena:-
     [90] "pancakkhandha parinnata       titthanti chinnamulaka
           vikkhino jatisamsaro         natthi dani punabbhavo"ti
gatham abhasi.
@Footnote: 1 cha.Ma. na cireneva  2 khu.apa. 32/1/233 adhichattiyattherapadana
      Tattha pancakkhandha parinnatati maya ime pancupadanakkhandha "idam
dukkham, ettakam dukkham, na tato bhiyyo"ti tihi parinnahi paricchinditva nata
vidita patividdha. 1- Titthanti chinnamulakati tatha parinnatattayeva mulabhutassa
samudayassa sabbaso pahinatta te idani yava carimakacittanirodha titthanti chinnamulaka,
carimakacittanirodhena pana appatisandhikava nirujjhanti. Tenaha "vikkhino jatisamsaro,
natthi dani punabbhavo"ti. Tassattho hettha vuttoyeva.
                   Samidattattheragathavannana nitthita.
                    Paramatthadipaniya theragathasamvannaya
                       navamavaggavannana nitthita.
                          ------------
@Footnote: 1 Ma. patiladdha


             The Pali Atthakatha in Roman Book 32 page 293-295.
http://84000.org/tipitaka/pitaka_item/read_rm.php?B=32&A=6534&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=32&A=6534&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=227
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5495
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5694
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5694
             Contents of The Tipitaka Volume 26
http://84000.org/tipitaka/read/?index_26