AtthaPali Vol.47

Tasma atthasamapattigotrabhu kusala honti"ti vadanti. Tatha sankharupekkhayapi veditabbam. [60] Samisancatiadisu vattamisalokamisakilesamisanam kilesamisena samisam sanikantikatta. Kintam? atthavidham samathagotrabhunanam. Vattamisanti cettha tebhumaka- vattameva. Lokamisanti pancakamaguna. Kilesamisanti kilesa eva. Niramisanti dasavidham vipassanagotrabhunanam anikantikatta. Na hi ariya gotrabhusmim nikantim karonti. Potthake "samisance"ti likhanti, tam na sundarataram. Evameva panihitam appanihitam sannuttanca visannuttam vutthitanca avutthitam veditabbam. Nikanti- panidhiya hi panihitam patthitanti attho. Tadabhavena appanihitam. Nikantisannogeneva sannuttam. Tadabhavena visannuttam. Vutthitanti vipassanagotrabhunanameva. Tam hi nikanticchedakatta vutthitam nama. Itaram avutthitam. Bahiddha vutthanatta va vutthitam. Phalagotrabhupi hi nibbanajjhasayavasena nibbanabhimukhibhutatta bahiddha sankharanimitta vutthitam namati veditabbam. Hetthabhibhavanavutthanavivatthanavaresupi phalagotrabhu ajjhasayavasena nibbanabhimukhibhutatta abhibhuyyati vutthati vivattatiti veditabbam. Tinnam vimokkhanapaccayati tinnam lokuttaravimokkhanam samathagotrabhu pakatupanissayapaccaya honti, vipassanagotrabhu anantarasamantarupanissayapaccaya honti. Pannayassa pariccitati pubbabhagapannaya paricita paricinna. Kusalo vivatte vutthaneti asammohavaseneva vivattasankhate gotrabhunane kusalo cheko, pubbabhagananena va kusalo. Nanaditthisu na kampatiti samucchedena pahinasu nanappakarasu ditthisu na vedhatiti. Gottarabhunananiddesavannana nitthita. -------------

The Pali Atthakatha in Roman Book 47 page 295. http://84000.org/tipitaka/pitaka_item/read_rm.php?B=47&A=6589&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=47&A=6589&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=136 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1584 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1875 The Pali Tipitaka in Roman Character :- http://84000.org/tipitaka/read/roman_read.php?B=31&A=1875 Contents of The Tipitaka Volume 31 http://84000.org/tipitaka/read/?index_31