AtthaPali Vol.38

daddhabhayajatakam daddhabhayati bhaddanteti idam sattha jetavane viharanto annatitthiye arabbha kathesi. Titthiya kira jetavanassa samipe tasmim tasmim thane kantakapassaye seyyam kappenti pancatape tapanti nanappakaram micchatapam caranti. Atha sambahula bhikkhu savatthiyam pindaya caritva jetavanam agantva antaramagge te disva gantva sattharam upasankamitva atthi nukho bhante annatitthiyanam samanabrahmananam ^1- vattasamadane saroti pucchimsu. Sattha na bhikkhave tesam vattasamadane saro va viseso va atthi tanhi nighamsiyamanam upaparikkhiyamanam ukkarabhumimaggasadisam sasakassa daddhabhayanasadisam hotiti vatva daddhabhayanasadisabhavamassa mayam na janama kathetha no bhanteti tehi yacito atitam ahari. Atite baranasiyam brahmadatte rajjam karente bodhisatto sihayoniyam nibbattitva vayappatto aranne pativasati. Tada pana pacchimasamuddasamipe veluvamissakam talavanam hoti. Tatreko sasako @Footnote: ¹ samananam. Veluvarukkhamule ekassa talagacchassa hetthavasati. So ekadivasam gocaramadaya agantva talapannassa hettha nipanno cintesi sace ayam pathavi samvatteyya kaham nukho gamissamiti. Tasmimyeva khane ekam veluvapakkam talapannassa upari patati. So tassa saddena addha pathavi samvattatiti uppatitva pacchato anolokentova palayi. Tam maranabhayabhitam vegena palayantam anno sasako disva pucchi kim bho ativiya bhito palayasiti. Ma puccha bhoti. So kim bho bhitoti pacchato dhavateva. Itaro nivattitva anolokentova ettha pathavi samvattatiti aha. Sopi tassa pacchato palayiyeva. Evam tamanno addasa tamannoti evam sasakasahassani ekato hutva palayimsu. Te ekopi migo disva ekato hutva palayi. Eko sukaro eko gokanno eko mahiso eko gavayo eko khaggo eko byaggho eko siho eko varano disva kimetanti vatva ettha pathavi samvattatiti vutte palayi. Evam anukkamena yojanamattam tiracchanabalam ahosi. Tada bodhisatto tam balam palayantam disva kimetanti pucchitva ettha pathavi samvattatiti sutva cintesi pathavisamvattanam nama na kadaci atthi addha tesam kinci dassanam ^1- bhavissati mayi kho pana ussukkam napajjante sabbe nassanti jivitam nesam dassamiti. Sihavegena purato pabbatapadam gantva @Footnote: ¹ dussutam. Tattha tikkhattum sihanadam nadi. Te sihabhayatajjita kinti nivattitva pindika atthamsu. Siho tesam antaram pavisitva kimattham palayathati pucchi. Pathavi samvattatiti. Kena samvattamana ditthati. Hatthi janantiti. Hatthim pucchi. Te mayam na janama siha janantiti vadimsu. Sihapi na janama byaggha janantiti. Byagghapi mayam na janama khagga janantiti. Khaggapi gavaya janantiti. Gavayapi mahisa janantiti. Mahisapi gokanna janantiti. Gokannapi sukara janantiti. Sukarapi miga janantiti. Migapi mayam na janama sasaka janissantiti. Sasakesu pucchiyamanesu ayam kathetiti tam sasakam dassesum. Atha nam evam kira samma passasi pathavi samvattatiti pucchi. Ama sami maya ditthati. Kattha vasanto passasiti pucchi. Pacchimasamuddasamipe veluvamissakatalavane vasami ahanhi tattha veluvarukkhamule talagacche talapannassa hettha nipanno cintesim sace pathavi samvattati kaham gamissamiti atha tamkhananneva pathaviya samvattanasaddam sutva palatomhiti. Siho cintesi addha tassa talapannassa upari veluvapakkam patitva daddhabhayanasaddamakasi svayam tam saddam sutva pathavi samvattatiti sannam uppadetva palayi tattato janissamiti. So tam sasakam gahetva mahajanam assasetva aham imina ditthatthane pathaviya samvattanamva asamvattanam va tattato natva agamissami yava mamagamana tumhe idheva hothati sasakam pituthiyam Aropetva sihavegena pakkhanditva talavane sasakam otaretva ehi taya ditthatthanam dassehiti aha. Na visahami samiti. Ehi ma bhayiti. So veluvarukkham upasankamitum asakkonto avidure thatva idam sami daddhabhayanatthananti vatva pathamam gathamaha daddhabhayati bhaddante yasmim dese vasamaham ahametam na janami kimetam daddhabhayatiti. Tattha daddhabhayatiti daddhabhati saddam karoti. Bhaddanteti bhaddam tava atthu. Kimetanti yasmim padese aham vasami tattha daddhabhayati ahampi na janami kim va etam daddhabhayati kena va karanena daddhabhayati kebalam daddhabhayanasaddam assosanti. Evam vutte siho veluvarukkhamulam gantva talapannassa hettha sasakanipannatthananceva talapannassa matthake patitam veluvapakkanca disva pathaviya asamvattanabhavam tattato janitva sasakam pitthiyam aropetva sihavegena khippam migasanghanam santikam gantva sabbam pavuttim arocetva tumhe ma bhayathati migaganam assasetva visajjesi. Sace hi tada bodhisatto na bhaveyya sabbe samuddam pavisitva sanseyyum bodhisattam pana nissaya sabbe jivitam labhisuti. Veluvam patitam sutva daddhabhanti saso javi sasassa vacanam sutva santatta migavahini Appatva padavinnanam paraghosanusarino panadaparama ^1- bala te honti parapattiya ye ca silena sampanna pannayupasame rata araka ^2- virata dhira na honti parapattiyati ima tisso abhisambuddhagatha. Tattha veluvanti veluvapakkam. Daddhabhanti evam saddam kurumanam. Santattati utrasa. Migavahiniti anekasahassasankhata migagana migasena. Padavinnananti vinnanapadam sotavinnanakotthasam asampapunitvati attho. Te honti parapattiyati te paraghosanusarino tameva paraghosasankhatam panadam paramanti mannamana andhabala puthujjana vinnanapadassa appattataya parapattiyava honti paresam vacanam saddahitva yam va tam va karonti. Silenati ariyamaggena agatasilena samannagata. Pannayupasame ratati maggenevagatapannaya kilesaupasame rata. Yatha ca silena evam pannayapi samannagata kilesupasame ratatipi attho. Araka virata dhirati papakiriyato araka virata pandita. Na hontiti te evarupa sotapanna papato oratabhavena kilesupasame abhiratabhavena ca ekavaram maggananena patividdhadhamma annesam kathentanampi na saddahanti na ganhanti. Kasma. Attano paccakkhattati. Tena vuttam @Footnote: ¹ pamadaparama . ² arata. Assaddho akatannu ca sandhicchedo ca yo naro hatavakaso vantaso save uttamaporisoti. Sattha imam dhammadesanam aharitva jatakam samodhanesi tada siho ahamevati. Daddhabhayajatakam dutiyam ----------

The Pali Atthakatha in Roman Book 38 page 320-325. http://84000.org/tipitaka/pitaka_item/read_rm.php?B=38&A=6647&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=6647&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=586 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2914 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2872 The Pali Tipitaka in Roman Character :- http://84000.org/tipitaka/read/roman_read.php?B=27&A=2872 Contents of The Tipitaka Volume 27 http://84000.org/tipitaka/read/?index_27