AtthaPali Vol.13

2. Unnabhabrahmanasuttavannana [512] Dutiye gocaravisayanti gocarabhutam visayam. Annamannassati cakkhusotassa, sotam va cakkhussati evam ekam ekassa gocaravisayam na paccanubhoti. Sace hi niladibhedam ruparammanam samodhanetva sotindriyassa upaneyya:- ingha tvam tava nam vavatthapehi vibhavehi ^1- "kinnametam arammanan"ti. ^2- Cakkhuvinnanam vinapi mukhena attano dhammataya evam vadeyya "are andhabala vassasatampi vassasahassampi vassasatasahassampi paridhavamano annatra maya kuhim etassa jananakam labhissasi, tam ahara, cakkhuppasade upanehi, ahametam arammanam janissami yadi va nilam yadi va pitakam. Na hi eso annassa visayo, mayhameveso visayo"ti. Sesadvaresupi eseva nayo. Evametani annamannassa gocaravisayam na paccanubhonti nama. @Footnote: ¹ Ma. vibhavehiti ² Ma. kinnamatam arammananti. ruparammanam nametanti Kim patisarananti etesam kim patisaranam, kim etani patisaranantiti pucchati. Mano patisarananti javanamano patisaranam. Mano va nesanti mano dvarikajavanamanova etesam gocaravisayam rajjanadivasena anubhoti. Cakkhuvinnanam hi rupadassanamattameva, ettha rajjanam va dussanam va muyhanam va natthi. Ekasmim pana dvare javanam rajjati va dussati va muyhati va. Sotavinnanadisupi eseva nayo. Tatrayam upama:- panca kira dubbalabhojaka rajanam sevitva kicchena kasirena ekasmim pancakulike game parittakam ayam labhimsu. Tesam tattha macchabhago mamsabhago addukahapano va yottakahapano va masakahapano va atthakahapano va solasakahapano va catusatthikahapano va dandoti ettakamattameva papunati, satavatthukam pancasatavatthukam sahassavatthukam mahabalim rajava ganhati. Tattha panca kulikagama viya panca pasada datthabba, panca dubbalabhojaka viya panca vinnanani, raja viya javanam, dubbalabhojakanam parittakam ayapapunanam viya cakkhuvinnanadinam rupadassanadimattam, rajjanadini ^1- pana etesu natthi. Ranno mahabaliggahanam viya tesu dvaresu javanassa rajjanadini veditabbani. Evamettha manoti kusalakusalajavanam vuttam. Sati patisarananti maggasati patisaranam. Javanamano hi maggasati patisaranam. ^2- Vimuttiti phalavimutti. Patisarananti phalavimuttiya nibbanam patisaranam. Tanhi sa patisarati. Nasakkhi panhassa pariyantam gahetunti panhassa paricchedam pamanam gahetum nasakkhi, appatisaranam dhammam "sappatisaranan"ti pucchi. Nibbanam nametam appatisaranam, na kinci patisarati. Nibbanogadhanti nibbanabbhantaram @Footnote: ¹ cha.Ma. rajjanadi ² cha.Ma. maggasati patisarati Nibbanam anupavittham. Brahmacariyanti maggabrahmacariyam. Nibbanaparayananti nibbanam param ayanam assa para gati, na tato param gacchatiti attho. Nibbanam pariyosanam avasanam assati nibbanapariyosanam. Mulajata patitthitati maggenagatasaddha vuccati. Imamhi ce bhikkhave samayeti kim sandhayaha? jhanaanagamitam. Tasmim hi samaye brahmanassa pathamamaggena panca akusalacittani pahinani, pathamajjhanena panca nivarananiti parinibbayeyya. Sace panassa puttadaram anusasantassa kammante vicarentassa jhanam nassati, natthe jhane gati anibaddha hoti, anatthe pana nibaddhati imam jhanaanagamitam sandhayevamaha.

The Pali Atthakatha in Roman Book 13 page 321-323. http://84000.org/tipitaka/pitaka_item/read_rm.php?B=13&A=7018&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=13&A=7018&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=444 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=6223 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5934 The Pali Tipitaka in Roman Character :- http://84000.org/tipitaka/read/roman_read.php?B=18&A=5934 Contents of The Tipitaka Volume 18 http://84000.org/tipitaka/read/?index_18