AtthaPali Vol.13

3. Ayogulavagga 2. Ayogulasuttavannana [834] Tatiyavaggassa dutiye imina catumahabhutikenati imina catumahabhutamayena evam bharikena garukena samanenapi. Omatiti pahoti ^2- sakkoti, idam tepitake buddhavacane asambhinnapadam. Kayampi citte samadahatiti ^3- kayam gahetva citte aropeti, cittasannissitam karoti, cittagatiya peseti. Cittam nama mahaggatacittam, cittagatigamanam lahukam hoti. Cittampi kaye samadahatiti ^3- cittam gahetva kaye aropeti, kayasannissitam karoti, kayagatiya peseti, kayo nama karajakayo, kayagatigamanam ^4- dandham hoti. Sukhasannanca lahusannancati abhinna cittasahajatasanna. Sa hi santasukhasamannagatatta sukhasanna nama hoti. Kilesadandhayitattassa ca abhava lahusanna nama. Ayogulo divasam santatto ^5- lahutaro ceva hotiti so hi dvihi tihi janehi ukkhipitva kammaruddhane ukkhittopi ^6- divasam pacamano vivaranupavitthena ^7- tejena ceva vayena ca vayosahagato ca usmasahagato ca tejosahagato ca hutva evam lahuko hoti, yatha nam kammaro mahasandasena gahetva ekato samparivatteti ^8- ukkhipati bahi niharati. Evam pana mudu ca hoti kammaniyo ca, yatha nam @Footnote: ¹ cha.Ma. kathita ² ka. abhijanatiti ussahati pahoti ³ cha.Ma. samodahatiti @⁴ Ma. karajakayagatigamanam ⁵ Si. divasasantatto ⁶ cha.Ma. pakkhittopi @⁷ ka. ciranuppacittena ⁸ cha.Ma. ekato parivatteti So khandam khandam vicchindati, kutena hananto dighacaturassadibhedam karoti. Imasmim sutte vikubbaniddhi kathita.

The Pali Atthakatha in Roman Book 13 page 339-340. http://84000.org/tipitaka/pitaka_item/read_rm.php?B=13&A=7402&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=13&A=7402&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=623 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=8228 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=8155 The Pali Tipitaka in Roman Character :- http://84000.org/tipitaka/read/roman_read.php?B=18&A=8155 Contents of The Tipitaka Volume 18 http://84000.org/tipitaka/read/?index_18