AtthaPali Vol.38

rathalatthijatakam api hantva hato brutiti idam sattha jetavane viharanto kosalaranno purohitam arabbha kathesi. So kira rathena attano bhogagamakam gacchanto sambadhe magge ratham pajento ekam sakatasatthakam disva tumhakam sakatam apanethati gacchanto sakate anapaniyamane kujjhitva Patodayatthiya purimasakate sakatikassa rathadhure pahari. Sa rathadhure patihata nivattitva tasseva nalatam pahari. Tavadeva nalate gando utthahi . So nivattitva sakatikehi pahatomhiti ranno arocesi. Sakatike pakkosapetva vinicchinanta tasseva dosam addasamsu. Athekadivasam dhammasabhayam katham samutthapesum avuso ranno kira purohito sakatikehi pahatomhiti attam karonto sayameva parajjhatiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa evarupam karotiyevati vatva atitam ahari. Atite baranasiyam brahmadatte rajjam karente bodhisatto tasseva vinicchayamacco ahosi. Atha ranno purohito rathena attano bhogagamakam gacchantoti sabbam purimasadisameva. Idha pana tena ranno arocite raja sayam vinicchaye nisiditva sakatike pakkosapetva kammam asodhetvava tumhehi mama purohitam kottetva nalate gando utthapitoti vatva sabbam sahassaharanam nesam karothati aha. Atha nam bodhisatto tumhe maharaja kammam asodhetvava etesam sabbam sahassam harapetha ekacce pana attanava attanam paharitvapi parena pahatamhati vadanti tasma avinicchinitva katum na yuttam rajjam karentena nama nisametva kammam katum vattatiti vatva ima gatha abhasi Api hantva hato bruti jetva jitoti bhasati pubbamakkhayino raja etadatthum na saddahe tasma panditajatiyo suneyya itarassapi ubhinnam vacanam sutva yatha dhammo tatha kare alaso gihi kamabhogi na sadhu asannato pabbajito na sadhu raja na sadhu anisammakari yo pandito kodhano tam na sadhu nisamma khattiyo kayira nanisamma disampati nisammakarino ranno yaso kitti ca vaddhatiti. Tattha api hantvati api eko attanava attanam hantva parena pahatomhiti bruti katheti. Jetva jitoti sayam va pana param jinitva aham jitomhiti bhasati. Etadatthunti maharaja pubbameva rajakulam gantva akkhayantassa pubbamakkhayino etadatthum na saddahe ekamsena vacanam na saddaheyya. Tasmati yasma pathamataram agantva kathentassa ekamsena vacanam na saddahatabbam tasma. Yatha dhammoti yatha vinicchayasabhavo thito tatha kareyya. Asannatoti kayadihi asannato dussilo. Tam na sadhuti tam tassa panditassa nanavato puggalassa addhanaggahivasena ^1- dalhakopasankhatam kodhanam tam na sadhu. Nanisammati na anisametva. Disampatiti disanam @Footnote: ¹ atthanaggahivasena. Pati maharaja. Yaso kitti cati issariyaparivaro ceva kittisaddo ca vaddhatiti. Raja bodhisattassa vacanam sutva dhammena vinicchini. Dhammena vinicchiyamane brahmanasseva doso jatoti. Sattha imam dhammadesanam aharitva jatakam samodhanesi tada brahmano etarahi brahmanova ahosi panditamacco pana ahamevati. Rathalatthijatakam dutiyam -----------

The Pali Atthakatha in Roman Book 38 page 357-360. http://84000.org/tipitaka/pitaka_item/read_rm.php?B=38&A=7423&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=7423&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=626 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3053 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3015 The Pali Tipitaka in Roman Character :- http://84000.org/tipitaka/read/roman_read.php?B=27&A=3015 Contents of The Tipitaka Volume 27 http://84000.org/tipitaka/read/?index_27