AtthaPali Vol.9

4. Ghotamukhasuttavannana [412] Evamme sutanti ghotamukhasuttam. Tattha khemiyambavaneti evamnamake ambavane. Dhammiko paribbajoti ^1- dhammika pabbajja. Adassanati tumhadisanam va panditanam adassanena. Yo va panettha dhammoti yo va pana ettha dhammo sabhavoyeva, tasseva adassanena. Imina "amhakam katha appamanam, dhammova pamanan"ti dasseti. Tato thero "navauposathagare ^2- viya bahuna kammena idha bhavitabban"ti cintetva cankama oruyha pannasalam pavisitva nisidi. Tam dassetum evam vuttetiadi vuttam. [413] Cattarome brahmanati therassa kira etadahosi "ayam brahmano `dhammikam pabbajjam upagato samano va brahmano va natthi'ti vadati. Imassa cattaro puggale dve ca parisa dassetva `catuttham puggalam kataraya parisaya bahulam passasi'ti pucchissami, janamano `anagariyaparisayan'ti vakkhati. Evametam sakamukheneva `dhammiko paribbajo atthi'ti vadapessami"ti imam desanam arabhi. [414] Tattha sarattarattati sutthu rattaratta. Sanugaha vaca bhasitati sakarana vaca bhasita. Vuttam hetam maya "amhakam katha appamanam, dhammova pamanan"ti. @Footnote: ¹ Si. paribbajo ² Ma. na uposathagare [421] Kim pana teti gihi nama kappiyampi akappiyampi vadeyyati vivecanattham pucchi. Karapesiti mapesi. Karapetva ca pana kalam katva sagge nibbatto. Etassa kira jananasippe matarampi pitarampi ghatetva attava ghatetabboti ^1- agacchati. Ekam sippam jananto thapetva etam anno sagge nibbatto nama natthi, esa pana theram upanissaya punnam katva tattha nibbattitva ca pana "kenaham kammena idha nibbatto"ti avajjetva yathabhutam natva ekadivasam jinnaya bhojanasalaya patisankharanattham samghe sannipatite manussavesena agantva pucchi "kimattham bhante samgho sannipatito"ti. Bhojanasalaya patisankharanatthanti. Kenesa karitati. Ghotamukhenati. Idani so kuhinti. Kalakatoti. Atthi panassa koci natakoti. Atthi eka bhaginiti. Pakkosapetha tanti. Bhikkhu pakkosapesum. So tam upasankamitva "aham tava bhata ghotamukho nama imam salam karetva sagge nibbatto, asuke ca thane maya thapitam dhanam atthi, tam gahetva imanca bhojanasalam karehi, darake ca posehi"ti vatva bhikkhusamgham vanditva vehasam uppatitva devalokameva agamasi. Sesam sabbattha uttanamevati. Papancasudaniya majjhimanikayatthakathaya ghotamukhasuttavannana nitthita. ------------- @Footnote: ¹ Si. jotetabbo

The Pali Atthakatha in Roman Book 9 page 296-297. http://84000.org/tipitaka/pitaka_item/read_rm.php?B=9&A=7467&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=9&A=7467&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=13&i=630 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=9915 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=11726 The Pali Tipitaka in Roman Character :- http://84000.org/tipitaka/read/roman_read.php?B=13&A=11726 Contents of The Tipitaka Volume 13 http://84000.org/tipitaka/read/?index_13