AtthaPali Vol.16

5. Kasinasuttavannana [25] Pancame sakalatthena kasinani, tadarammananam dhammanam khettatthena adhitthanatthena va ayatananiti ^3- kasinayatanani. Uddhanti uparigaganatalabhimukham. Adhoti hettha bhumitalabhimukham. Tiriyanti khettamandalam viya samanta paricchinditva. Ekacco hi uddhameva kasinam vaddheti, ^4- ekacco adho, ekacco samantato. Tena tenevakarena ^5- evam sampasareti alokamiva rupadassanakamo. Tena vuttam "pathavikasinameko sanjanati uddham adho tiriyan"ti. Advayanti idampana ekassa annabhavanupagamanattham vuttam. Yatha hi udakam pavitthassa sabbadisasu udakameva hoti na annam, evameva pathavikasinam pathavikasinameva hoti. Natthi tassa ^6- anno kasinasambhedoti. Eseva nayo sabbattha. Appamananti idam tassa tassa pharanaappamanavasena vuttam. Tanhi cetasa pharanto sakalameva pharati, na "ayamassa adi, idammajjhan"ti pamanam ganhati. Vinnanakasinanti cettha kasinugghatimakaseva ^7- pavattam vinnanam. Tattha kasinavasena kasinugghatimakase, kasinugghatimakasavasena tattha pavattavinnane uddhamadhotiriyata veditabba. Ayamettha sankhepo, kammatthanabhavananayena panetani pathavikasinadini vittharato visuddhimagge ^8- vuttaneva. @Footnote: ¹ cha.Ma. nanavadassa vadanakaro ² Si. bhavitassa, cha.Ma. bhavanavadassa @³ Si.,Ma. ayatanani ⁴ Si. uddhameva pasareti, Ma. uddhameva janati ⁵ cha.Ma. tena tena @va karanena ⁶ Si. idam tassa ⁷ cha.Ma. kasinugghatimakase @⁸ visuddhi. 1/148 pathavikasinaniddesa, visuddhi. 1/217 sesakasinaniddesa: @apokasinakatha (sya)

The Pali Atthakatha in Roman Book 16 page 333. http://84000.org/tipitaka/pitaka_item/read_rm.php?B=16&A=7487&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=16&A=7487&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=25 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=451 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=438 The Pali Tipitaka in Roman Character :- http://84000.org/tipitaka/read/roman_read.php?B=22&A=438 Contents of The Tipitaka Volume 22 http://84000.org/tipitaka/read/?index_22