AtthaPali Vol.15

5. Rohitassavagga 1. Samadhibhavanasuttavannana [41] Pancamassa pathame nanadassanapatilabhayati dibbacakkhupathamanana- dassanassa patilabhaya. Divasannam adhitthatiti divati evam sannam adhitthati. Yatha diva tatha rattinti yatha diva alokasanna manasikata, tameva tam rattimpi manasikaroti. Dutiyapadepi eseva nayo. Sappabhasanti dibbacakkhunano- bhasena sahobhasam. Kincapi alokasadisam katam, attho pana ^2- evam sallakkhetabbo. Dibbacakkhunanaloko hi idha adhippeto. Viditati pakata hutva. Katham pana vedana vidita ^3- uppajjanti, vidita abbhattham gacchantiti? idha bhikkhu vatthum parigganhati, arammanam parigganhati. Tassa pariggahitavattharammanataya ta vedana "evam uppajjitva evam thatva evam nirujjhanti"ti vidita uppajjanti, vidita titthanti, vidita abbhattham gacchanti nama. Sannavitakkesupi eseva nayo. Udayabbayanupassiti udayanca vayanca passanto. Iti rupanti evam rupam ettakam rupam na ito param rupam atthiti. Iti rupassa samudayoti evam rupassa @Footnote: ¹ Si. muttacagatam ² cha.Ma. panettha na ² Ma. evam vidita Uppado. Atthangamoti pana bhedo adhippeto. Vedanadisupi eseva nayo. Idanca pana me tam bhikkhave sandhaya bhasitanti bhikkhave yam maya etam punnakapanhe "sankhaya lokasmin"tiadi bhasitam, tam idam phalasamapattim sandhaya bhasitanti attho. Tattha sankhayati nanena janitva. Lokasminti sattaloke. Paroparaniti avacani uttamani. ^1- Injitanti calanam. ^2- Natthi kuhinci loketi lokasmim katthaci ekakkhandhepi ekayatanepi ekadhatuyapi ekarammanepi natthi. Santoti paccanikakkilesavupasamena santo. Vidhumoti kodhadhumena vigatadhumo. Evamettha suttante maggekaggatampi kathetva gathaya phalasamapattiyeva kathitati.

The Pali Atthakatha in Roman Book 15 page 342-343. http://84000.org/tipitaka/pitaka_item/read_rm.php?B=15&A=7922&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=15&A=7922&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=386 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2376 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2350 The Pali Tipitaka in Roman Character :- http://84000.org/tipitaka/read/roman_read.php?B=20&A=2350 Contents of The Tipitaka Volume 20 http://84000.org/tipitaka/read/?index_20