AtthaPali Vol.32

255. 8. Kimbilattheragathavannana ^1- abhisattova nipatatiti ayasmato kimbilattherassa gatha. Ka uppatti? ayampi purimabuddhesu katadhikaro tattha tattha bhave punnani karonto kakusandhassa bhagavato kale kulagehe nibbattitva vinnutam patto parinibbute satthari tassa dhatuyo uddissa salalamalahi mandapakarena pujam akasi. So tena punnakammena tavatimse nibbattitva aparaparam devamanussesu samsaranto imasmim buddhuppade kapilavatthunagare sakyarajakule ^2- nibbatti, kimbilotissa namam ahosi. So vayappatto bhogasampattiya sampanno viharati, tassa nanaparipakam disva samvegajananattham anupiyayam viharanto sattha pathamayobbane thitam dassaniyam itthirupam abhinimminitva purato dassetva puna anukkamane yatha jararogavipattihi abhibhutam ^3- dissati, tatha akasi. Tam disva kimbilakumaro ativiya samvegam pakasento:- [118] "abhisattova nipatati vayo rupam annamiva tatheva santam tasseva sato avippavasato annasseva sarami attanan"ti gatham abhasi. Tattha abhisattovati "tvam sigham gaccha ma tittha"ti devehi anusittho anatto viya. "abhisatthova"tipi ^4- patho, "tvam lahum gaccha"ti kenaci abhilasapito ^5- viyati attho. Nipatatiti atipatati abhidhavati na titthati, ^6- khane khane khayavayam papunatiti @Footnote: ¹ cha.Ma. kimilatthera... evamuparipi ² cha.Ma. sakiyarajakule ³ cha.Ma. abhibhuta @⁴ Ma. abhisetthovatipi ⁵ Ma. abhisamakato ⁶ Si. abhidhavati titthati, Ma. abhidhavati Attho. Vayoti balyayobbanadiko sarirassa avatthaviseso. Idha panassa ^1- yobbannam adhippetam, tam hissa abhipatantam khiyantam hutva upatthitam. Rupanti rupasampadati vadati. Rupanti pana sariram "atthinca paticca nharunca paticca mamsanca paticca akaso parivarito rupamtveva sankham gacchati"tiadisu ^2- viya. Annamiva tatheva santanti idam rupam yadisam, ^3- ayam tatheva tenevakarena santam vijjamanam annam viya mayham upatthatiti adhippayo. "tadeva santan"ti ca keci pathanti. Tasseva satoti tasseva me anannassa sato samanassa. Avippavasatoti na vippasantassa, ciravippavasena hi sato anannampi annam viya upatthati idampi idha natthiti adhippayo. Annasseva sarami attananti imam mama attabhavam annassa sattassa viya sarami upadharemi sanjanamiti attho. Tassevam aniccatam manasi karontassa dalhataro samvego udapadi, so samvegajato sattharam upasankamitva dhammam sutva patiladdhasaddho pabbajitva vipassanam patthapetva na cirasseva arahattam papuni. Tena vuttam apadane ^4- :- "nibbute kakusandhamhi brahmanamhi vusimate ^5- gahetva salalam malam mandapam karayim aham. Tavatimsam gato santo labhimha byamhamuttamam anne devetirocami punnakammassidam phalam. Diva va yadi va rattim cankamanto thito caham channo salalapupphehi punnakammassidam phalam. Imasmimyeva kappamhi yam buddhamabhipujayim duggatim nabhijanami buddhapujayidam phalam. Kilesa jhapita mayham .pe. Katam buddhassa sasanan"ti. @Footnote: ¹ Si. idha pana ² Ma.mu. 12/306/269 mahahatthipadopamasutta ³ Ma. tadisam yadisam @⁴ khu.apa. 32/449/467 salalamandapiyattherapadana ⁵ cha.Ma. vusimati Arahattam pana patvapi thero attano purimuppannam aniccatamanasikaram vibhavento tameva gatham paccudahasi. Tenetam imassa therassa annabyakaranampi ahosi. Kimbilattheragathavannana nitthita. ------------

The Pali Atthakatha in Roman Book 32 page 364-366. http://84000.org/tipitaka/pitaka_item/read_rm.php?B=32&A=8113&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=8113&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=255 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5648 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5819 The Pali Tipitaka in Roman Character :- http://84000.org/tipitaka/read/roman_read.php?B=26&A=5819 Contents of The Tipitaka Volume 26 http://84000.org/tipitaka/read/?index_26