AtthaPali Vol.46

8. Hemakamanavasuttaniddesavannana [53] Atthame hemakasutte:- ye me pubbe viyakamsuti ye bavariadayo pubbe mayham sakam laddhim viyakamsu. Huram gotamasasanati gotamasasanato pubbataram. Sabbantam takkavaddhananti sabbam tam kamavitakkadivaddhanam. Ye canne tassa acariyati ye ca anne tassa bavariyassa acare sikkhapaka acariya. Te sakam ditthinti te acariya attano ditthim. Sakam khantinti attano khamanam. Sakam rucinti attano rocanam. Vitakkavaddhananti kamavitakkadivitakkanam uppadanam punappunam pavattanam. Sankappavaddhananti kamasankappadinam vaddhanam. Imani dve padani sabbasangahikavasena vuttani. Idani kamavitakkadike sarupato dassetum "kamavitakkavaddhanan"tiadina nayena nava vitakke dassesi. [54] Tanhanigghatananti tanhavinasanam. [55-6] Athassa bhagava tam dhammam acikkhanto "idha"ti gathadvayamaha. Tattha etadannaya ye satati etam nibbanam padamaccutam "sabbe sankhara anicca"tiadina ^1- nayena vipassanta anupubbena janitva ye kayanupassanasatiadihi sata. Ditthadhammabhinibbutati viditadhammatta ditthadhamma ca ragadinibbanena ca abhinibbuta. Sesam sabbattha pakatameva. Evam bhagava idampi suttam arahattanikuteneva desesi, desanapariyosane ca pubbasadiso eva dhammabhisamayo ahositi. Saddhammappajjotikaya culaniddesatthakathaya hemakamanavasuttaniddesavannana nitthita. Atthamam. -------------- @Footnote: ¹ khu.dha. 25/277/64, khu. thera. 26/677/365, abhi. ka. 37/753/441

The Pali Atthakatha in Roman Book 46 page 34. http://84000.org/tipitaka/pitaka_item/read_rm.php?B=46&A=837&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=46&A=837&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=30&i=324 เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=3080 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=3347 The Pali Tipitaka in Roman Character :- http://84000.org/tipitaka/read/roman_read.php?B=30&A=3347 Contents of The Tipitaka Volume 30 http://84000.org/tipitaka/read/?index_30