AtthaPali Vol.11

6. Niddātandīsuttavaṇṇanā [16] Chaṭṭhe niddāti "abhijānāmahaṃ aggivessana gimhānaṃ pacchime māse .pe. Niddaṃ okkamitā"ti ^3- evarūpāya abyākataniddāya pubbabhāgāparabhāgesu sekhaputhujjanānaṃ sasaṅkhārikaakusalacitte uppannaṃ thīnamiddhaṃ. Tandīti aticchātātisītādikālesu ^4- uppannaṃ āgantukaṃ ālasyaṃ. Vuttampi cetaṃ:- tattha katamā tandī yā tandī tandiyanā tandimanakatā ^5- ālasyaṃ ālasyāyanā ālasyāyitattaṃ, ayaṃ vuccati tandīti. ^6- Vijimhitāti kāyavijimhanā. ^7- Aratīti kusalapakkhesu ukakaṇṭhikā. ^8- Bhattasammadoti bhattamucchā bhattakilamatho. Vitthāro panetesaṃ "tattha katamā vijimhikā, yā kāyassa jambhanā vijimhanā"tiādinā nayena abhidhamme āgatova. Etenāti etena niddādinā upakkilesena upakkiliṭṭho nivāritapātubhāvo. Nappakāsatīti na jotati, na pātubhavatīti attho. Ariyamaggoti lokuttaramaggo. Idhāti imasmiṃ loke. Pāṇinanti sattānaṃ. Viriyenāti maggasahajātaviriyena. Naṃ paṇāmetvāti etaṃ kilesajātaṃ nīharitvā. Ariyamaggoti lokiyalokuttaramaggo. Iti maggeneva upakkilese nīharitvā maggassa visuddhi vuttāti. Niddātandīsuttavaṇṇanā niṭṭhitā. --------------- @Footnote: ¹ khu. thera. 26/537/349 ekavihāriyattheravatthu ² cha.Ma., i. ekakassa @³ Ma.mū. 12/387/345 mahāsaccakasutta ⁴ Sī....sītavātādikālesu, i....sītavātādīsu @kālesu ⁵ cha.Ma., i. tandimanatā ⁶ abhi. vibhaṅga. 35/857/429 khuddakavatthuvibhaṅga @⁷ cha.Ma., i. vijambhitāti kāyavijambhanā evamuparipi @⁸ cha.Ma. akusalapakakhā ukkaṇṭhitatā, i. kusalapakkhesu ukkaṇṭhitatā

The Pali Atthakatha in Roman Book 11 page 35. http://84000.org/tipitaka/pitaka_item/read_rm.php?B=11&A=913&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=11&A=913&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=34 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=200 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=174 The Pali Tipitaka in Roman Character :- http://84000.org/tipitaka/read/roman_read.php?B=15&A=174 Contents of The Tipitaka Volume 15 http://84000.org/tipitaka/read/?index_15