Atthakatha Book 13 : PALI ROMAN
Sam.A. (sarattha.3)

          Puggale sevato bhajato payirupasato, jhanavimokkhe paccavekkhato
          imehi tihakarehi samadhindriyam visujjhati. Duppanne puggale
          parivajjayato, pannavante puggale sevato bhajato payirupasato,
          gambhirananacariyam 1- paccavekkhato imehi tihakarehi pannindriyam
          visujjhati. Iti ime panca puggale  parivajjayato, panca puggale
          sevato bhajato payirupasato, panca suttante paccavekkhato
          imehi pannarasahi akarehi imani pancindriyani visujjhanti"ti. 2-
    Aparepi pannarasa dhamma vimuttiparipacaniya:- saddhapancamani
indriyani, aniccasanna, anicce dukkhasanna, dukkhe anattasanna,
pahanasanna, viragasannati ima panca nibbedhabhagiya sanna, meghiyattherassa
kathita kalyanamittatadayo panca dhammati. 3- Kaya pana velaya bhagavato etadahosi?
paccusasamaye lokam volokentassa.
     Anekani devatasahassaniti ayasmata rahulena padumuttarassa bhagavato
padamule palitanagarajakale patthanam patthapentena saddhim patathanam
patthapitadevatasu pana kaci bhummatthaka devata, kaci antalikkhatthaka, kaci
catummaharajika, kaci devaloke, kaci brahmaloke nibbatta. Imasmim pana divase
sabbapi ta ekatthane andhavanasmimyeva sannipatita, ta sandhayaha "anekani
devatasahassani"ti. Dhammacakkhunti imasmim sutte cattaro ca magga cattari ca
phalani dhammacakkhuti veditabbani. Tattha hi  kaci devata sotapanna ahesum,
kaci sakadagami, anagami, khinasava. Tasam ca pana devatanam ettakati
gananavasena paricchedo natthi. Sesam sabbattha uttanameva.
@Footnote: 1 tika. gambhirananacariye   2 khu. pati. 31/185/214   3 khu. u. 25/31/141


             The Pali Atthakatha in Roman Book 13 page 43.
http://84000.org/tipitaka/pitaka_item/read_rm.php?B=13&A=913&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=13&A=913&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=18&i=187
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=2697
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=2683
             The Pali Tipitaka in Roman Character :-
http://84000.org/tipitaka/read/roman_read.php?B=18&A=2683
             Contents of The Tipitaka Volume 18
http://84000.org/tipitaka/read/?index_18