AtthaPali Vol.12

10. Susimaparibbajakasuttavannana ^3- [70] Dasame garukatoti sabbadevamanussehi pasanacchattam viya cittena garukato. Manitoti manena piyayito. Pujitoti catupaccayapujaya pujito. Apacitoti nicavuttikaranena apacito. Sattharam hi disva manussa hatthikkhandhadihi otaranti maggam denti, amsakutam satakam apanenti, asanato vutthahanti vandantiti. ^2- @Footnote: ¹ Si.,i. arahattaphalabhisamayo ² cha.Ma., i. vandanti ³ cha.Ma. susimasutta...

--------------------------------------------------------------------------------------------- page141.

Evam so tehi apacito nama hoti. Susimoti evamnamako vedangesu kusalo panditaparibbajako. Ehi tvanti tesam kira etadahosi "samano gotamo na jatigottadini agamma labhaggappatto jato, kavisettho panesa uttamakavitaya savakanam gantham bandhitva deti, te tam ugganhitva upatthanam upanisinnakathampi anumodanampi sarabhannampiti evamadini kathenti, te tesam pasanna labham upasamharanti. Sace mayam yam samano gotamo janati, tato thokam janeyyama, attano samayam tattha pakkhipitva mayampi upatthakanam katheyyama, tato etehi labhatara ^1- bhaveyyama. Ko nu kho samanassa gotamassa santike pabbajitva khippameva ugganahitum sakkhissati"ti. Te evam cintenta ^2- "susimo patibalo"ti disva tam upasankamitva evamahamsu. Yenayasma anando tenupasankamiti kasma upasankami? evam kirassa Ahosi "kassa nu kho santikam gantva aham imam dhammam khippam laddhum sakkhissami"ti tato cintesi "samano gotamo garu tejussado niyamamanuyutto, na sakka akale upasankamitum, annepi bahu khattiyadayo samanam gotamam upasankamanti, tasmimpi samaye na sakka upasankamitum. Savakesupissa sariputto mahapanno vipassanalakkhanamhi etadagge thapito, mahamoggallano samadhilakkhanamhi etadagge thapito, mahakassapo dhutangadharesu, anuruddho dibbacakkhukesu, punno mantaniputto dhammakathikesu, upalitthero vinayadharesu etadagge thapito, ayam pana anando bahussuto tipitakadharo, satthapissa tattha tattha kathitam dhammam aharitva katheti, pancasu thanesu etadagge thapito, atthannam varanam labhi, catuhi acchariyabbhutadhammehi samannagato, tassa samipam gato ^3- khippam dhammam laddhum sakkhissami"ti. Tasma yenayasma anando tenupasankami. @Footnote: ¹ cha.Ma., i. labhitara ² cha.Ma., i. cintetva @³ Si. gate

--------------------------------------------------------------------------------------------- page142.

Yena bhagava tenupasankamiti kasma netva ^1- upasankami? evam kirassa ahosi "ayam titthiyasamaye patiyekko `aham sattha'ti patijananto carati, pabbajetva ^2- sasanassa alabhayapi parisakkeyya. Na kho panassaham ajjhasayam ajanami, sattha janissati"ti. Tasma tam adaya yena bhagava tenupasankami. Tenahananda susimam pabbajethati ^3- sattha kira cintesi "ayam paribbajako titthiyasamaye `aham patiyekko sattha'ti patijanamano carati, `idha maggabrahmacariyam caritum icchami'ti kira vadati, kim nu kho mayi pasanno, udahu mayham savakesu, udahu mayham va mama savakanam va dhammakathaya pasanno"ti. Athassa ekatthanepi pasadabhavam natva "ayam mama sasane dhammam thenessamiti pabbajeti, ^4- itissa agamanam aparisuddham, nipphatti nu kho kidisa"ti olokento "kincapi `dhammam thenessami'ti pabbajeti, ^4- katipaheneva pana ghatetva arahattam ganhissati"ti natva "tenahananda susimam pabbajetha"ti ^3- aha. Anna byakata hotiti te kira bhikkhu satthu santike kammatthanam gahetva temasam vassam vasanta tasmimyeva antotemase ghatenta vayamanta arahattam patilabhimsu. Te "patiladdhagunam satthu arocessama"ti parisuddhapavarana ^5- senasanam samsametva satthu santikam agantva attano patiladdhagunam arocesum. Tam sandhayetam vuttam. Annati arahattassa namam. Byakatati arocita. Assositi so kira ohitasotova hutva tesam ^6- bhikkhunam thitatthanam gacchati tam tam katham sunitukamo. Yena te bhikkhu tenupasankamiti kasma upasankami? tam kirassa pavuttim sutva etadahosi "anna nama imasmim sasane parimanam ^7- sarabhuta acariyamutthi manne bhavissati, pucchitva nam janissami"ti. Tasma upasankamiti. ^8- @Footnote: ¹ cha.Ma., i. kasma sayam apabbajetva ² cha.Ma., i. pabbajitva ³ Si. pabbajehiti @⁴ cha.Ma., i. pabbajati ⁵ cha.Ma., i. pavaritapavarana @⁶ cha.Ma., i. tesam tesam ⁷ cha.Ma. paramappamanam ⁸ cha.Ma., i. upasankami

--------------------------------------------------------------------------------------------- page143.

Anekavihitanti anekavidham. Iddhividhanti iddhikotthasam. Avibhavam tirobhavanti avibhavam gahetva tirobhavam, gahetva avibhavam katum sakkothati pucchati. Tirokuddanti parakuddam. Tiropabbatepi ^1- eseva nayo. Ummujjanimmujjanti ummujjananca nimmujjananca. Pallankenati pallanakabandhanena. Kamathati nisiditum va gahetum ^2- va sakkothati pucchati. Sakunoti pakkhayutto sakuno. Ayamettha sankhepo, vittharato pana imassa ceva ito paresanca dibbasotadinam ^3- vannananayo visuddhimagge vuttanayena veditabbo. ^4- Santa vimokkhati angasantataya ceva arammanasantataya ca santa arappavimokkha. Kayena phusitvati namakayena phusitva patilabhitva. Pannavimutta kho mayam avusoti avuso mayam nijjhanaka sukkhavipassaka pannamatteneva vimuttati dasseti. Ajaneyyasi va tvam avuso susima, na va tvam ajaneyyasiti kasma evamahamsu? evam kira nesam ahosi "mayam imassa ajjhasayam gahetva kathetum na sakkhissama, dasabalam pana pucchitva nikkankho bhavissati"ti. Dhammatthitinananti vipassanananam, tam pathamataram uppajjati. Nibbane nananti vipassanaya cinnante pavattam maggananam, tam paccha uppajjati. Tasma bhagava evamaha. Ajaneyyasi vatiadi kasma vuttam? vinapi samadhim evam Nanuppattidassanattham, idam hi vuttam hoti:- susima maggo va phalam va na samadhinissando, na samadhianisamso, na samadhissa nipphatti, vipassanaya panesa nittha, ^5- vipassanaya anisamso, vipassanaya nipphatti, tasma janeyyasi va tvam, na va tvam janeyyasi, athakho dhammatthitinanam pubbe, paccha nibbane nananti. @Footnote: ¹ cha.Ma., i. itarapadadvaye ² cha.Ma., i. gantum @³ cha.Ma., i. imassa iddhividhassa tato paresam dibbasotadinanca @⁴ cha.Ma. veditabboti, i. veditabbati ⁵ cha.Ma., i. paneso nissando

--------------------------------------------------------------------------------------------- page144.

Idanissa pativedhabhabbatam natva teparivattam dhammadesanam desento ^1- tam kim mannasi susima, rupam niccam va aniccam vatiadimaha. Teparivattadesanavasane pana thero arahattam patto. Idanissa anuyogam aropento jatipaccaya jaramarananti susima passasitiadimaha. Api nu tvam susimati idam kasma arabhi? nijjhanakanam sukkhavipassakabhikkhunam pakatakaranattham. Ayam hettha adhippayo:- na kevalam tvameva nijjhanako sukkhavipassako, etepi bhikkhu evarupayevati. Sesam sabbattha pakatamevati. Dasamam. Mahavaggo sattamo. --------------

The Pali Atthakatha in Roman Book 12 page 140-144. http://84000.org/tipitaka/pitaka_item/read_rm.php?B=12&A=3148&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=12&A=3148&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=279 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3187 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2963 The Pali Tipitaka in Roman Character :- http://84000.org/tipitaka/read/roman_read.php?B=16&A=2963 Contents of The Tipitaka Volume 16 http://84000.org/tipitaka/read/?index_16