บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Dutiyadabbasuttavannana [80] Dasame tatra kho bhagava bhikkhu amantesiti bhagava rajagahe yathabhirantam viharitva janapadacarikam caranto anukkamena savatthim patva jetavane viharantoyeva yesam bhikkhunam ayasmato dabbassa mallaputtassa parinibbanam apaccakkham, tesam tam paccakkham katva dassetum, yepi ca mettiyabhumajakehi katena abhutena abbhacikkhanena there garavarahita puthujjana, tesam there bahumanuppadanatthanca amantesi. Tattha tatrati vacanasannapane nipatamattam. Khoti avadharane tesu "tatra"ti imina "bhagava bhikkhu amantesi"ti etesam padanam @Footnote: 1 Si. asanta Vuccamanatamyeva joteti. "kho"ti pana imina amantesiyeva. Nassa amantane koci antarayo ahositi imamattham dasseti. Atha va tatrati tasmim arame. Khoti vacanalankare nipato. Amantesiti abhasi. Kasma pana bhagava bhikkhuyeva amantesiti? jetthatta setthatta asannatta sabbakalam sannihitatta dhammadesanaya visesato bhajanabhutatta ca. Bhikkhavoti tesam amantanakaradassanam. Bhadanteti amantitanam bhikkhunam garavena satthu pativacanadanam. Tattha "bhikkhavo"ti vadanto bhagava te bhikkhu alapati. "bhadante"ti vadanta te paccalapanti. Apica "bhikkhavo"ti imina karunavippharasommahadayanissitapubbangamena 1- vacanena te bhikkhu kammatthanamanasikaradhammapaccavekkhanadito nivattetva attano mukhabhimukhe karoti. "bhadante"ti imina satthari adarabahumanagaravadipanavacanena te bhikkhu attano sussusatam ovadapatiggahagaravabhavanca pativedenti. Bhagavato paccassosunti te bhikkhu bhagavato vacanam patiassosum sotukamatam janesum. Etadovacati bhagava etam idani vakkhamanam sakalam suttam abhasi. Dabbassa bhikkhave mallaputtassatiadi anantarasutte vuttatthameva. Etamatthantiadisupi apubbam natthi, anantarasutte vuttanayeneva veditabbam. Gathasu pana ayoghanahatassati ayo hannati etenati ayoghanam, kammaranam ayokutam ayomutthi ca. Tena ayoghanena hatassa pahatassa. Keci pana "ayoghanahatassati ghanaayopindam hatassa"ti attham vadanti. Evasaddo cettha nipatamattam. Jalato jatavedasoti jhayamanassa aggissa. Anadare etam samivacanam. Anupubbupasantassati anukkamena upasantassa vijjhatassa niruddhassa. @Footnote: 1 Si.,Ma. karunavippharasomahadayanayananipatapubbangamena. Yatha na nayate gatiti yatha tassa gati na nayati. Idam vuttam hoti:- ayomutthikutadina mahata ayoghanena hatassa samhatassa. Kamsabhajanadigatassa va jalamanassa aggissa, tatha uppannassa va saddassa anukkamena upasantassa va saddassa anukkamena upasantassa suvupasantassa dasasu disasu na katthaci gati pannayati paccayanirodhena appatisandhikaniruddhatta. Evam samma vimuttananti evam samma hetuna nayena tadangavikkhambhana- vimuttipubbangamena ariyamaggena catuhipi upadanehi asavehi ca vimuttatta samma vimuttanam, tato eva kamabandhasankhatam 1- kamogham bhavoghadibhedam avasitthaoghanca taritva thitatta kamabandhoghatarinam sutthu patipassambhitasabbakilesavipphanditatta kilesabhisankharavatehi ca akampaniyataya acalam anupadisesanibbanasankhatam sabbasankharupasamam sukham pattanam adhigatanam khinasavanam gati devamanussadibhedasu gatisu ayam namati pannapetabbataya abhavatta pannapetum natthi na upalabbhati, yathavuttajatavedo viya apannattikabhavameva hi so gatoti attho. Dasamasuttavannana nitthita. Nitthita ca pataligamiyavaggavannana. ------------------- @Footnote: 1 cha.Ma. kamapabandha... Nigamanakatha ettavata ca:- suvimuttabhavadano 1- devadanavamanito pacchinnatanhasantano pitisamvegadipano. Saddhammadananirato upadanakkhayavaho tattha tattha udane ye udanesi vinayako. Te sabbe ekato katva aropentehi sangaham udanamiti sangitam 2- dhammasangahakehi yam. Tassa attham pakasetum poranatthakathanayam nissaya ya samaraddha atthasamvannana maya. Sa tattha paramatthanam suttantesu yatharaham pakasana paramattha- dipani nama namato. Sampatta parinitthanam anakulavinicchaya catuttimsappamanaya paliya bhanavarato. Iti tam sankharontena yam tam adhigatam maya punnam tassanubhavena lokanathassa sasanam. Obhasetva 3- visuddhaya siladipatipattiya sabbepi dehino hontu vimuttirasabhagino. @Footnote: 1 Si. suvimuttacittavodano 2 Ma. udanam nama namena 3 cha.Ma. ogahitva Ciram titthatu lokasmim sammasambuddhasasanam tasmim sagarava niccam hontu sabbepi panino. Samma vassatu kalena devopi jagatipati saddhammanirato lokam dhammeneva pasasatuti. Badaratitthaviharavasina acariyadhammapalattherena kata udanassa atthakatha samatta.The Pali Atthakatha in Roman Book 26 page 462-466. http://84000.org/tipitaka/pitaka_item/read_rm.php?B=26&A=10351&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=26&A=10351&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=178 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4373 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4689 The Pali Tipitaka in Roman Character :- http://84000.org/tipitaka/read/roman_read.php?B=25&A=4689 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]