|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Apayimhavaggavannana ------- 1. Surapanajatakam apayimha anaccimhati idam sattha kosambim upanissaya ghositarame viharanto sagatattheram arabbha kathesi. Bhagavati hi savatthiyam vassam vasitva carikagamanena bhaddavatikam nama nigamam sampatte gopalaka pasupalaka kasaka pathavino ca sattharam disva vanditva ma bhante bhagava ambatittham agamasi ambatitthe jatilassa assame ambatitthako nama nago asiviso ghoraviso bhagavantam vihetheyyati varayimsu. Bhagava tesam katham assunanto viya tesu yavatatiyam varayamanesupi agamasiyeva. Tatra sudam bhagavati bhaddavatikaya avidure annatarasmim vanasande viharante tena samayena buddhupatthako sagato nama thero pothujjanikaya iddhiya samannagato tam assamam upasankamitva tassa nagarajassa vasanatthane tinasantharakam pannapetva pallankena nisidi. Nago makkham asahamano dhumayi. Theropi dhumayi. Nago pajjali. Theropi pajjali. Nagassa tejo theram na badhati therassa tejo nagam badhati. Evam so khanena tam nagarajanam dametva saranesu silesu patitthapetva satthu santikam agamasi. Satthapi bhaddavatikayam yathabhirantam viharitva kosambim agamasi. Sagatattherena--------------------------------------------------------------------------------------------- page186.
Nagassa damitabhavo sakalajanapadam patthari. Kosambinagaravasino satthu paccuggamanam katva sattharam vanditva sagatattherassa santikam gantva vanditva ekamantam thita evamahamsu bhante yam tumhakam dullabham tam vadeyyatha tadeva mayam patiyadessamati. Thero tunhi ahosi. Chabbaggiya panahamsu avuso pabbajitanam kapotika sura dullabha ceva manapa ca sace tumhe therassa pasanna kapotikam suram patiyadethati. Te sadhuti sampaticchitva sattharam svatanaya nimantetva nagaram pavisitva attano attano gehe therassa dassamati kapotikam suram pasannam patiyadetva theram nimantetva ghare ghare pasannam adamsu. Thero pivitva suramadamatto nagarato nikkhamitva dvarantare patitva vippalapamano nipajji. Sattha katabhattakicco nagara nikkhamanto theram tenakarena nipannam disva ganhatha bhikkhave sagatanti gahapetva aramam agamasi. Bhikkhu therassa sisam tathagatassa padamule katva tam nipajjapesum. So parivattetva pade tathagatabhimukhe katva nipajji. Sattha bhikkhu patipucchi kim nu kho bhikkhave yam pubbe sagatassa mayi garavam tam idani atthiti. Natthi bhanteti. Bhikkhave ambatitthakam nagarajanam ko dametiti. Sagato bhanteti. Kimpanetarahi sagato udakadeddubhakampi damitum sakkuneyyati. No hetam bhanteti. Api nu kho bhikkhave evarupam patum yuttam yam pivitva evam visanni hotiti. Ayuttam bhanteti. Atha kho--------------------------------------------------------------------------------------------- page187.
Bhagava theram garahitva bhikkhu amantetva suramerayapane pacittiyanti sikkhapadam pannapetva utthayasana gandhakutim pavisi. Dhammasabhayam sannipatita bhikkhu surapanassa avannam kathayimsu yava mahadosancetam avuso surapanam nama tava pannasampannam nama iddhimantam sagatam yatha satthu gunamattampi na janati tatha akasiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva suram pivitva pabbajita visannino honti pubbepi ahesumyevati vatva atitam ahari. Atite baranasiyam brahmadatte rajjam karente bodhisatto kasiratthe udiccabrahmanakule nibbattitva vayappatto isipabbajjam pabbajitva abhinna ca samapattiyo ca uppadetva jhanakilam kilanto himavantappadese vasati pancahi antevasikasatehi parivuto. Atha nam vassarattasamaye sampatte antevasika ahamsu acariya manussapatham gantva lonambilam sevitva agacchamati. Avuso aham idheva vasissami tumhe pana gantva sariram santappetva vassam vitinametva agacchathati. Te sadhuti acariyam vanditva baranasim gantva rajuyyane vasitva punadivase bahidvaragameyeva bhikkhaya caritva suhita hutva punadivase nagaram pavisimsu. Manussa sampiyayamana bhikkham adamsu katipahaccayena rannopi arocesum deva himavantato pancasata--------------------------------------------------------------------------------------------- page188.
Isayo agantva uyyane vasanti ghoratapa paramajitindriya silavantoti. Raja tesam gune sutva uyyanam gantva vanditva katappatisantharo vassanam catummasam tattheva vasanatthaya patinnam gahetva nimantesi. Te tato patthaya rajageheyeva bhunjitva uyyane vasanti. Athekadivasam nagare suranakkhattam nama ahosi. Raja pabbajitanam sura dullabhati bahum uttamam suram dapesi. Tapasa suram pivitva uyyanam gantva suramadamatta hutva ekacce utthaya naccimsu ekacce gayimsu naccitva gayitva kharikadini avattharitva niddayitva suramade chinne pabujjhitva tam attano vippakaram disva na amhehi pabbajitasaruppam katanti roditva paridevitva mayam acariyena vina evarupam papakammam karimhati tam khananneva uyyanam pahaya himavantam gantva patisamitaparikkhara acariyam vanditva nisiditva kim nu kho tata manussapathe bhikkhaya akilamana sukham vasittha samaggasamvasanca pana vasitthati pucchita acariya sukham vasimha apica kho mayam apatabbayuttakam pivitva visannibhuta satim paccupatthapetum asakkonta gayimha ceva naccimha cati etamattham arocenta imam gatham samutthapetva ahamsu apayimha anaccimha agayimha rudimha ca visannikaranim pitva dittha nahumha vanarati. Tattha apayimhati suram pivimha. Anaccimhati suram pivitva--------------------------------------------------------------------------------------------- page189.
Hatthapade lolenta naccimha. Agayimhati mukham vivaritva ayatakena sarena gayimha. Rudimha cati puna vippatisarino evarupam nama amhehi katanti rodimha. Dittha nahumha vanarati evarupam sannavinasanato visannikaranim suram pivitva etadeva sadhu yam vanara nahumhati evam te attano agune kathesum. Bodhisatto garusamvasarahitanam nama evarupam hotiyevati te tapase garahitva puna evarupam ma karitthati tesam ovadam datva aparihinajjhano brahmalokaparayano ahosi. Sattha imam dhammadesanam aharitva jatakam samodhanesi. Ito patthaya hi anusandhim ghatetvati idampi na vakkhama. Tada isigana buddhaparisa ahesum ganasattha pana ahamevati. Surapanajatakam pathamam. ------------The Pali Atthakatha in Roman Book 36 page 185-189. http://84000.org/tipitaka/pitaka_item/read_rm.php?B=36&A=3726&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=36&A=3726&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=81 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=535 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=529 The Pali Tipitaka in Roman Character :- http://84000.org/tipitaka/read/roman_read.php?B=27&A=529 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]