อรรถกถาเล่มที่ ๒๖ ภาษาบาลีอักษรไทย
 อุ.อ. (ปรมตฺถที.)

    ภควาปิ "อยํ เตน มคฺเคน คโต โจเรหิ พาธิโต มํ ปริเยสิตฺวา
อิทาเนว อาคมิสฺสตี"ติ ตฺวา โถกํ คนฺตฺวา มคฺคา โอกฺกมฺม อญฺตรสฺมึ
รุกฺขมูเล นิสีทิ. อายสฺมาปิ โข นาคสมาโล ปจฺจาคนฺตฺวา สตฺถารา คตมคฺคเมว
คเหตฺวา คจฺฉนฺโต ตสฺมึ รุกฺขมูเล ภควนฺตํ ปสฺสิตฺวา อุปสงฺกมิตฺวา วนฺทิตฺวา
ตํ ปวตฺตึ สพฺพํ อาโรเจสิ. เตน วุตฺตํ "อถ โข อายสฺมา นาคสมาโล
ฯเปฯ สงฺฆาฏิญฺจ วิปฺผาเลสุนฺ"ติ.
    เอตมตฺถํ วิทิตฺวาติ เอตํ อายสฺมโต นาคสมาลสฺส อตฺตโน วจนํ
อนาทิยิตฺวา อเขมนฺตมคฺคคมนํ, อตฺตโน จ เขมนฺตมคฺคคมนํ วิทิตฺวา ตทตฺถทีปนํ
อิมํ อุทานํ อุทาเนสิ.
    ตตฺถ สทฺธึ จรนฺติ สห จรนฺโต. เอกโต วสนฺติ อิทํ ตสฺเสว เววจนํ,
สห วสนฺโตติ อตฺโถ. มิสฺโส อญฺชเนน เวทคูติ เวทิตพฺพฏฺเน เวทสงฺขาเตน
จตุสจฺจอริยมคฺคาเณน คตตฺตา อธิคตตฺตา, เวทสฺส วา สกลสฺส เยฺยสฺส
ปารํ คตตฺตา เวทคู. อตฺตโน หิตาหิตํ น ชานาตีติ อญฺโ, อวิทฺวา พาโลติ
อตฺโถ. เตน อญฺเน ชเนน มิสฺโส สห จรณมตฺเตน มิสฺโส. วิทฺวา ปชหาติ
ปาปกนฺติ เตน เวทคูภาเวน วิทฺวา ชานนฺโต ปาปกํ อภทฺทกํ อตฺตโน
ทุกฺขาวหํ ปชหาติ, ปาปกํ วา อกลฺยาณปุคฺคลํ ปชาหาติ. ยถา กึ? โกญฺโจ
ขีรปโกว นินฺนคนฺติ ยถา โกญฺจสกุโณ อุทกมิสฺสิเต ขีเร อุปนีเต วินา โตยํ
ขีรมตฺตสฺเสว ปิวนโต ขีรปโก นินฺนฏฺานคมเนน นินฺนคสงฺขาตํ อุทกํ ปชหาติ
วชฺเชติ, เอวํ ปณฺฑิโต กิร ทุปฺปญฺปุคฺคเลหิ านนิสชฺชาทีสุ สหภูโตปิ
อาจาเรน เต ปชหาติ, น กทาจิปิ สมฺมิสฺโส โหติ.
                       สตฺตมสุตฺตวณฺณนา นิฏฺิตา.
                         --------------

             อรรถกถาภาษาบาลีอักษรไทย เล่มที่ ๒๖ หน้า ๔๕๔.
http://84000.org/tipitaka/pitaka_item/read_th.php?B=26&A=10159&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=26&A=10159&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=175
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=4280
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=4588
             The Pali Tipitaka in Roman Character :-
http://84000.org/tipitaka/read/roman_read.php?B=25&A=4588
             สารบัญพระไตรปิฎกเล่มที่ ๒๕
http://84000.org/tipitaka/read/?index_25