อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

อาปตฺติเภโท วุตฺโตติ เวทิตพฺโพ ฯ ตตฺรายํ อาทิโต ปฏฺาย
วินิจฺฉโย ฯ ภิกฺขุนี กายสํสคฺคราเคน อวสฺสุตา ปุริโสปิ ตเถว
อธกฺขเก อุพฺภชานุมณฺฑเล กายปฺปเทเส กายสํสคฺคสาทิยเน สติ
ภิกฺขุนิยา ปาราชิกํ ฯ ภิกฺขุนิยา กายสํสคฺคราโค ปุริสสฺส
เมถุนราโค วา เคหสิตปฺเปมํ วา สุทฺธจิตฺตํ วา โหตุ ถุลฺลจฺจยเมว ฯ
ภิกฺขุนินา เมถุนราโค ปุริสสฺส กายสํสคฺคราโค วา เมถุนราโค
วา เคหสิตปฺเปมํ วา สุทฺธจิตฺตํ วา โหตุ ทุกฺกฏํ ฯ ภิกฺขุนิยา
เคหสิตปฺเปมํ ปุริสสฺส วุตฺเตสุ จตูสุ ยํ วา ตํ วา โหตุ
ทุกฺกฏเมว ฯ ภิกฺขุนิยา สุทฺธจิตฺตํ ปุริสสฺส วุตฺเตสุ จตูสุ
ยํ วา ตํ วา โหตุ อนาปตฺติ ฯ สเจ ปน ภิกฺขุ เจว โหติ
ภิกฺขุนี จ อุภินฺนํ กายสํสคฺคราโค ภิกฺขุสฺส สงฺฆาทิเสโส
ภิกฺขุนิยา ปาราชิกํ ฯ ภิกฺขุนิยา กายสํสคฺคราโค ภิกฺขุสฺส
เมถุนราโค วา เคหสิตปฺเปมํ วา ภิกฺขุนิยา ถุลฺลจฺจยํ ภิกฺขุสฺส
ทุกฺกฏํ ฯ อุภินฺนํ เมถุนราโค วา เคหสิตปฺเปมํ วา อุภินฺนํปิ
ทุกฺกฏเมว ฯ ยสฺส ยตฺถ สุทฺธจิตฺตํ ตสฺส ตตฺถ อนาปตฺติ ฯ
อุภินฺนํปิ สุทฺธจิตฺตํ อุภินฺนํปิ อนาปตฺติ ฯ {๖๖๓} อนาปตฺติ อสญฺจิจฺจาติ
อาทีสุ วิรชฺฌิตฺวา วา อามสนฺติยา อญฺาวิหิตาย วา อยํ
ปุริโส วา อิตฺถี วาติ อชานนฺติยา วา เตน ผุฏฺายปิ ตํ ผสสํ
อสาทิยนฺติยา วา อามสเนปิ สติ อนาปตฺติ ฯ เสสํ สพฺพตฺถ
อุตฺตานเมว ฯ ปมปาราชิกสมุฏฺานํ กิริยา สญฺาวิโมกฺขํ
สจิตฺตกํ โลกวชฺชํ กายกมฺมํ อกุสลจิตฺตํ ทฺวิเวทนนฺติ ฯ
                 ปมปาราชิกสิกฺขาปทํ ฯ

             อรรถกถาภาษาบาลีอักษรไทย เล่มที่ ๒ หน้า ๕๑๑.
http://84000.org/tipitaka/pitaka_item/read_th.php?B=2&A=10751&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=10751&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=3&i=1
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=3&A=1
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=3&A=1
             The Pali Tipitaka in Roman Character :-
http://84000.org/tipitaka/read/roman_read.php?B=3&A=1
             สารบัญพระไตรปิฎกเล่มที่ ๑
http://84000.org/tipitaka/read/?index_3