อรรถกถาเล่มที่ ๔๖ ภาษาบาลีอักษรไทย
 นิทฺ.อ.๒ (สทฺธมฺมปชฺ.)

อติคตํ อรหตฺตวิโมกฺขํ วทติ. อรหตฺตวิโมกฺขสฺส หิ มคฺคสมฺปยุตฺตสมฺมา-
สงฺกปฺปาทิเภโท ธมฺมตกฺโก ปุเรชโว โหติ. เตนาห "ธมฺมตกฺกปุเรชวนฺ"ติ.
อวิชฺชาย ปเภทนนฺติ เอตเมว จ อญฺาวิโมกฺขํ อวิชฺชาปเภทนสงฺขาตํ
นิพฺพานํ นิสฺสาย ชาตตฺตา การโณปจาเรน "อวิชฺชาย ปเภทนนฺ"ติ พฺรูมีติ.
      ยา จตุตฺเถ ฌาเน อุเปกฺขาติ เอตฺถ อุปปตฺติโต อิกฺขตีติ อุเปกฺขา,
สมํ ปสฺสติ อปกฺขปติตา หุตฺวา ปสฺสตีติ อตฺโถ. อุเปกฺขนาติ อาการนิทฺเทโส.
อชฺฌุเปกฺขนาติ อุปสคฺควเสน ปทํ วฑฺฒิตํ. จิตฺตสมโถติ ๑- จิตฺตสฺเสกคฺคภาโว.
จิตฺตปฺปวตฺติตาติ ๒- จิตฺตสฺส อูนาติริตฺตวชฺชิตภาโว. มชฺฌตฺตตาติ จิตฺตสฺส
มชฺเฌ ิตภาโว.
      [๗๗] เอวํ อวิชฺชาปเภทวจเนน วุตฺตํ นิพฺพานํ สุตฺวา "ตํ กิสฺส
วิปฺปหาเนน วุจฺจตี"ติ ปุจฺฉนฺโต "กึสุ สญฺโชโน"ติ คาถมาห. ตตฺถ
กึสุ สญฺโชโนติ กึ สญฺโชโน. วิจารณนฺติ วิจารณการณํ. ๓- กิสฺสสฺส
วิปฺปหาเนนาติ กึนามกสฺส อสฺส ธมฺมสฺส วิปฺปหาเนน.
      [๗๘] อถสฺส ภควา ตมตฺถํ พฺยากโรนฺโต "นนฺทิสญฺโชโน"ติ
คาถมาห. ตตฺถ วิตกฺกสฺสาติ กามวิตกฺกาทิโก วิตกฺโก อสฺส.
      [๗๙] อิทานิ ตสฺส นิพฺพานสฺส มคฺคํ ปุจฺฉนฺโต "กถํ สตสฺสา"ติ
คาถมาห. ตตฺถ วิญฺาณนฺติ อภิสงฺขารวิญฺาณํ.
      [๘๐] อถสฺส มคฺคํ กเถนฺโต ภควา "อชฺฌตฺตญฺจา"ติ คาถมาห.
ตตฺถ เอวํ สตสฺสาติ เอวํ สตสฺส สมฺปชานสฺส. เสสํ สพฺพตฺถ ปากฏเมว.
      เอวํ ภควา อิทมฺปิ สุตฺตํ อรหตฺตนิกูเฏเนว เทเสสิ.  เทสนาปริโยสาเน
จ ปุพฺพสทิโสว ธมฺมาภิสมโย อโหสีติ.
                  สทฺธมฺมปฺปชฺโชติกาย จูฬนิทฺเทสฏฺกถาย
                   อุทยมาณวสุตฺตนิทฺเทสวณฺณนา นิฏฺิตา.
                             เตรสมํ.
@เชิงอรรถ: ๑ ฉ.ม. จิตฺตสมตาติ   ๒ ฉ.ม. จิตฺตปฺปสฺสทฺธตาติ    ๓ ก. วิจารกรณํ

             อรรถกถาภาษาบาลีอักษรไทย เล่มที่ ๔๖ หน้า ๔๙.
http://84000.org/tipitaka/pitaka_item/read_th.php?B=46&A=1221&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=46&A=1221&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=30&i=433
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=30&A=3983
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=30&A=4287
             The Pali Tipitaka in Roman Character :-
http://84000.org/tipitaka/read/roman_read.php?B=30&A=4287
             สารบัญพระไตรปิฎกเล่มที่ ๓๐
http://84000.org/tipitaka/read/?index_30