อรรถกถาเล่มที่ ๓ ภาษาบาลีอักษรไทย
 วินย.อ. (สมนฺต.๓)

     อนชฺฌิฏฺาติ อนาณตฺตา อยาจิตา วา ฯ อชฺเฌสนา เจตฺถ
สงฺเฆน สมฺมตธมฺมชฺเฌสกายตฺตา วา สงฺฆตฺเถรายตฺตา วา ฯ ตสฺมึ
ธมฺมชฺเฌสเก อสติ สงฺฆตฺเถรํ อาปุจฺฉิตฺวา วา เตน ยาจิโต วา
ภาสิตุํ ลภติ ฯ สงฺฆตฺเถเรนาปิ สเจ วิหาเร พหู ธมฺมกถิกา
โหนฺติ วารปฏิปาฏิยา วตฺตพฺพา ตฺวํ ธมฺมํ ภณ ธมฺมํ
กเถหิ ธมฺมทานํ เทหีติ วา วุตฺเตน เตหิปิ วิธีหิ ธมฺโม
ภาสิตพฺโพ ฯ โอสาเรหีติ วุตฺโต ปน โอสาเรตุเมว ลภติ กเถหีติ
วุตฺโต กเถตุเมว สรภญฺ ภณาหีติ วุตฺโต สรภญฺเมว ฯ
สงฺฆตฺเถโรปิ จ อุจฺจตเร อาสเน นิสินฺโน ยาจิตุํ น ลภติ ฯ
สเจ อุปชฺฌาโย เจว สทฺธิวิหาริโก จ โหนฺติ อุปชฺฌาโย จ
ตํ อุจฺจาสเน นิสินฺโน ภณาหีติ วทติ สชฺฌายํ อธิฏฺหิตฺวา
ภณิตพฺพํ ฯ สเจ ปเนตฺถ ทหรภิกฺขู โหนฺติ เตสํ ภณามีติ
ภณิตพฺพํ ฯ สเจ วิหาเร สงฺฆตฺเถโร อตฺตโนเยว นิสฺสิตเก
ภณาเปติ อญฺเ มธุรภาณเกปิ นาชฺเฌสติ โส อญฺเหิ
วตฺตพฺโพ ภนฺเต อสุกนฺนาม ภณาเปมาติ ฯ สเจ ภณาเปถาติ
วา วทติ ตุณฺหี วา โหติ ภณาเปตุํ วฏฺฏติ ฯ สเจ ปน
ปฏิพาหติ น ภณาเปตพฺพํ ฯ ยทิ อนาคเตเยว สงฺฆตฺเถเร
ธมฺมสฺสวนํ อารทฺธํ ปุน อาคเต เปตฺวา อาปุจฺฉนกิจฺจํ นตฺถิ ฯ
โอสาเรตฺวา ปน กเถนฺเตน อาปุจฺฉิตฺวา วา อฏฺเปตฺวาเยว วา
กเถตพฺพํ ฯ กเถนฺตสฺส ปุน อาคเตปิ เอเสว นโย ฯ
     อุปนิสินฺนกถายปิ สงฺฆตฺเถโรว สามี ตสฺมา เตน สยํ วา กเถตพฺพํ
อญฺโ วา ภิกฺขุ กเถหีติ วตฺตพฺโพ โน จ โข อุจฺจตเร
อาสเน นิสินฺเนน ฯ มนุสฺสานมฺปน ภณาหีติ วตฺตุํ วฏฺฏติ ฯ
มนุสฺสา อตฺตโน ชานนกํ ภิกฺขุํ ปุจฺฉนฺติ เตน เถรํ อาปุจฺฉิตฺวา
กเถตพฺพํ ฯ สเจ สงฺฆตฺเถโร ภนฺเต อิเม ปญฺหํ มํ ปุจฺฉนฺตีติ
ปุฏฺโ กเถหีติ วา ภณติ ตุณฺหี วา โหติ กเถตุํ วฏฺฏติ ฯ
อนฺตรฆเร อนุโมทนาทีสุปิ เอเสว นโย ฯ สเจ สงฺฆตฺเถโร วิหาเร
วา อนฺตรฆเร วา มํ  อนาปุจฺฉิตฺวาปิ กเถยฺยาสีติ อนุชานาติ
ลทฺธกปฺปิยํ โหติ สพฺพตฺถ วตฺตุํ วฏฺฏติ ฯ สชฺฌายํ กโรนฺเตนาปิ
เถโร อาปุจฺฉิตพฺโพเยว ฯ เอกํ อาปุจฺฉิตฺวา สชฺฌายนฺตสฺส อปโร
อาคจฺฉติ ปุน อาปุจฺฉนกิจฺจํ นตฺถิ ฯ สเจ วิสฺสมิสฺสามีติ
อาโภคํ กตฺวา ิตสฺส อาคจฺฉติ ปุน อารภนฺเตน อาปุจฺฉิตพฺพํ ฯ
สงฺฆตฺเถเร อนาคเตเยว อารทฺธํ สชฺฌายนฺตสฺสาปิ เอเสว นโย ฯ
เอเกน สงฺฆตฺเถเรน มํ อนาปุจฺฉิตฺวาปิ ยถาสุขํ สชฺฌายาหีติ
อนุญฺาเตน ยถาสุขํ สชฺฌายิตุํ วฏฺฏติ ฯ อญฺสฺมึ ปน อาคเต
ตํ อาปุจฺฉิตฺวาว สชฺฌายิตพฺพํ ฯ
     {๑๕๑} อตฺตนา วา อตฺตานํ สมฺมนฺนิตพฺพนฺติ อตฺตนา วา อตฺตา
สมฺมนฺนิตพฺโพ ฯ ปุจฺฉนฺเตน ปน ปริสํ โอโลเกตฺวา สเจ
อตฺตโน อุปทฺทโว นตฺถิ วินโย ปุจฺฉิตพฺโพ ฯ {๑๕๓} กเตปิ โอกาเส
ปุคฺคลํ ตุลยิตฺวาติ อตฺถิ นุโข เม อิโต อุปทฺทโว นตฺถีติ เอวํ
อุปปริกฺขิตฺวา ฯ ปุคฺคลํ ตุลยิตฺวา โอกาสํ กาตุนฺติ ภูตเมว
นุโข อาปตฺตึ วทติ อภูตนฺติ เอวํ อุปปริกฺขิตฺวา โอกาสํ กาตุํ
อนุชานามีติ อตฺโถ ฯ ปุรมฺหากนฺติ ปมํ อมฺหากํ ฯ
ปฏิกจฺเจวาติ ปมตรเมว ฯ {๑๕๔} อธมฺมกมฺมํ วุตฺตนยเมว ฯ ปฏิกฺโกสิตุนฺติ
นิวาเรตุํ ฯ ทิฏฺิมฺปิ อาวิกาตุนฺติ อธมฺมกมฺมํ อิทํ น เม ตํ
ขมตีติ เอวํ อญฺสฺส สนฺติเก อตฺตโน ทิฏฺึ ปกาสิตุํ ฯ จตูหิ
ปญฺจหีติอาทิ เตสํ อนุปทฺทวตฺถาย วุตฺตํ ฯ สญฺจิจฺจ น สาเวนฺตีติ
ยถา น สุณนฺติ เอวํ ภณิสฺสามาติ สญฺจิจฺจ สณิกํ อุทฺทิสนฺติ ฯ
     {๑๕๕} เถราธิกนฺติ เถราธีนํ เถรายตฺตํ ภวิตุนฺติ อตฺโถ ฯ เถราเธยฺยนฺติปิ
ปาโ ฯ ตสฺมา เถเรน สยํ วา อุทฺทิสิตพฺพํ อญฺโ วา อชฺเฌสิตพฺโพ ฯ
อชฺเฌสนวิธานญฺเจตฺถ ธมฺมชฺเฌสเน วุตฺตนยเมว ฯ โส น

             อรรถกถาภาษาบาลีอักษรไทย เล่มที่ ๓ หน้า ๑๔๕-๑๔๗.
http://84000.org/tipitaka/pitaka_item/read_th.php?B=3&A=3018&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=3&A=3018&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=4&i=168
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=4481
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=4569
             The Pali Tipitaka in Roman Character :-
http://84000.org/tipitaka/read/roman_read.php?B=4&A=4569
             สารบัญพระไตรปิฎกเล่มที่ ๔
http://84000.org/tipitaka/read/?index_4