อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

     สารชฺชมานรูโปติ หรายมาโน โอตฺตปฺปมาโน สารชฺชมาโน. ๑- โทมนสฺสสารชฺชํ
ปนสฺส นตฺถิ. เอตฺตกํปิ โน นปฺปฏิภาเสยฺยาติ ปฏิสมฺภิทาปฺปตฺตสฺส อปฺปฏิภาณํ
นาม นตฺถิ. เอตฺตกํ ปน ๒- น กเถยฺยนฺติ ทสฺเสติ. สาธุ สาธูติ เถรสฺส ธมฺม-
เทสนํ สมฺปหํสนฺโต อาห. อยเญฺหตฺถ อตฺโถ "สุคฺคหิตา จ เต ธมฺมเทสนา
สุกถิตา จา"ติ. กุลปุตฺตานนฺติ อาจารกุลปุตฺตานญฺเจว ชาติกุลปุตฺตานญฺจ. อริโย
วา ตุณฺหีภาโวติ ทุติยชฺฌานสมาปตฺตึ สนฺธาเยวมาห. อธิปญฺาธมฺมวิปสฺสนายาติ
สงฺขารปริคฺคหวิปสฺสนาาณสฺส. จตุปฺปาทโกติ อสฺสโคณคทฺรภาทิโก วิย. ๓- อิทํ
วตฺวาติ อิมํ จตูหงฺเคหิ สมนฺนาคตํ ธมฺมํ กถยิตฺวา. วิหารํ ปาวิสีติ คนฺธกุฏึ
ปวิฏฺโ.
     กาเลน ธมฺมสฺสวเนติ กาเล กาเล ธมฺมสฺสวนสฺมึ. ธมฺมสากจฺฉายาติ ปญฺหากถาย.
คมฺภีรํ อตฺถปทนฺติ คมฺภีรํ คุฬฺหํ รหสฺสํ อตฺถํ. ปญฺายาติ สห วิปสฺสนาย
มคฺคปญฺาย. สมฺมสนปฏิเวธปญฺาปิ อุคฺคหปริปุจฺฉาปญฺาปิ วฏฺฏติเยว. ปตฺโต
วา คจฺฉติ วาติ ๔- อรหตฺตํ ปตฺโต วา ปาปุณิสฺสติ วาติ เอวํ คุณสมฺภาวนาย
สมฺภาเวติ. อปฺปตฺตมานสาติ อปฺปตฺตอรหตฺตา, อรหตฺตํ วา อปฺปตฺตํ มานสํ
เอเตสนฺติปิ อปฺปตฺตมานสา. ทิฏฺธมฺมสุขวิหารนฺติ เอตฺถ ทิฏฺธมฺมสุขวิหาโร
โลกิโยปิ วฏฺฏติ โลกุตฺตโรปิ.

             อรรถกถาภาษาบาลีอักษรไทย เล่มที่ ๑๖ หน้า ๒๘๙.
http://84000.org/tipitaka/pitaka_item/read_th.php?B=16&A=6497&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=6497&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=23&i=208
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=23&A=7619
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=23&A=7858
             The Pali Tipitaka in Roman Character :-
http://84000.org/tipitaka/read/roman_read.php?B=23&A=7858
             สารบัญพระไตรปิฎกเล่มที่ ๒๒
http://84000.org/tipitaka/read/?index_23