อรรถกถาเล่มที่ ๓๙ ภาษาบาลีอักษรไทย
 ชา.อ.๕ ฉกฺก-ทสกนิปาต

เตติ ตสฺส ตว ทุกฺเขน อนฺนปานํ ลพฺภติ ฯ มํสานิ วาติ ยานิ
วา สุสานมชฺเฌ มํสานิ เตหิ น ตุสฺสสิ ฯ ตโตติ ปจฺฉา ฯ
อุปกฺโกสติ นํ สภาโวติ อตฺตาว ตํ ปุคฺคลํ ครหติ ฯ อุปกฺกุฏฺโติ
อตฺตนาปิ อปเรหิปิ อกฺกุฏฺโ ครหิโต วิปฺปฏิสาริตาย วณฺณญฺจ
พลญฺจ ชหาติ ฯ นิพฺพุตึ ภุญฺชติ ยทีติ ยทิ ปน ปรํ อวิเหเตฺวา
อปฺปกมฺปิ ธมฺมลทฺธํ นิพฺพุตึ โภชนํ ภุญฺชติ ฯ ตทสฺส โหตีติ
ตทา อสฺส ปณฺฑิตสฺส สรีเร พลญฺจ วณฺณญฺจ โหติ ฯ อาหารมเยนาติ
นานปฺปกาเรน อาหาเรเนว ฯ อิทํ วุตฺตํ โหติ โภ กาก วณฺโณ
นาเมส จตุสมุฏฺาโน โส น อาหารมตฺเตเนว โหติ อุตุจิตฺตกมฺเมหิปิ
โหติเยวาติ ฯ
     เอวํ จกฺกวาโก อเนกปริยาเยน กากํ ครหิ ฯ กาโก หรายิตฺวา
น มยฺหํ ตว วณฺเณน อตฺโถติ กา กาติ วสฺสนฺโต ปลายิ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน โลลภิกฺขุ อนาคามิผเล ปติฏฺหิ ฯ
ตทา กาโก โลลภิกฺขุ อโหสิ จกฺกวากี ราหุลมาตา จกฺกวาโก
ปน อหเมวาติ ฯ
                   จกฺกวากชาตกํ อฏฺมํ ฯ

             อรรถกถาภาษาบาลีอักษรไทย เล่มที่ ๓๙ หน้า ๓๙๓.
http://84000.org/tipitaka/pitaka_item/read_th.php?B=39&A=7938&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=39&A=7938&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=1274
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=5296
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=5339
             The Pali Tipitaka in Roman Character :-
http://84000.org/tipitaka/read/roman_read.php?B=27&A=5339
             สารบัญพระไตรปิฎกเล่มที่ ๒๗
http://84000.org/tipitaka/read/?index_27