บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
[60] Savatthiyam viharati ... paticcasamuppadanca vo bhikkhave desessami paticcasamuppanne ca dhamme tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. [61] Bhagava etadavoca katamo ca bhikkhave paticcasamuppado jatipaccaya bhikkhave jaramaranam uppada va tathagatanam anuppada va tathagatanam thitava sa dhatu dhammatthitata dhammaniyamata idappaccayata tam tathagato abhisambujjhati abhisameti abhisambujjhitva abhisametva acikkhati deseti pannapeti 1- patthapeti vivarati vibhajati uttanikaroti passathati caha . jatipaccaya bhikkhave jaramaranam .pe. bhavapaccaya bhikkhave jati ... Upadanapaccaya bhikkhave bhavo ... Tanhapaccaya bhikkhave upadanam ... Vedanapaccaya bhikkhave tanha ... Phassapaccaya bhikkhave vedana ... salayatanapaccaya bhikkhave phasso ... Namarupapaccaya bhikkhave salayatanam ... vinnanapaccaya bhikkhave namarupam ... sankharapaccaya bhikkhave vinnanam ... Avijjapaccaya bhikkhave sankhara uppada va tathagatanam anuppada va tathagatanam thitava sa dhatu dhammatthitata dhammaniyamata idappaccayata tam tathagato abhisambujjhati abhisameti abhisambujjhitva abhisametva @Footnote: 1 Ma. Yu. pannapeti. evamuparipi. Acikkhati deseti pannapeti patthapeti vivarati vibhajati uttanikaroti passathati caha . avijjapaccaya bhikkhave sankhara . iti kho bhikkhave ya tatra tathata avitathata anannathata idappaccayata ayam vuccati bhikkhave paticcasamuppado. [62] Katame ca bhikkhave paticcasamuppanna dhamma jaramaranam bhikkhave aniccam sankhatam paticcasamuppannam khayadhammam vayadhammam viragadhammam nirodhadhammam . jati bhikkhave anicca sankhata paticcasamuppanna khayadhamma vayadhamma viragadhamma nirodhadhamma . bhavo bhikkhave anicco sankhato paticcasamuppanno khayadhammo vayadhammo viragadhammo nirodhadhammo . upadanam bhikkhave .pe. tanha bhikkhave ... vedana bhikkhave ... phasso bhikkhave ... salayatanam bhikkhave ... namarupam bhikkhave ... vinnanam bhikkhave ... sankhara bhikkhave ... avijja bhikkhave anicca sankhata paticcasamuppanna khayadhamma vayadhamma viragadhamma nirodhadhamma . ime vuccanti bhikkhave paticcasamuppanna dhamma. [63] Yato kho bhikkhave ariyasavakassa ayanca paticcasamuppado ime ca paticcasamuppanna dhamma yathabhutam sammappannaya sudittha honti sova 1- pubbantam va upadhavissati ahosim nu khvaham atitamaddhanam nanu kho ahosim atitamaddhanam kim nu kho ahosim atitamaddhanam katham nu kho ahosim atitamaddhanam kim hutva kim @Footnote: 1 Ma. Yu. so vata. Ahosim nu khvaham atitamaddhananti aparantam va upadhavissati bhavissami nu khvaham anagatamaddhanam nanu kho bhavissami anagatamaddhanam kim nu kho bhavissami anagatamaddhanam katham nu kho bhavissami anagatamaddhanam kim hutva kim bhavissami nu khvaham anagatamaddhananti etarahi va paccuppannam addhanam ajjhattam kathamkathi bhavissati aham nu khosmi no nu khosmi kim nu khosmi katham nu khosmi ayam nu kho satto kuto agato so kuhim gami 1- bhavissatiti netam thanam vijjati tam kissa hetu tatha hi bhikkhave ariyasavakassa ayanca paticcasamuppado ime ca paticcasamuppanna dhamma yathabhutam sammappannaya suditthati. Dasamam. Aharavaggo dutiyo. Tassa uddanam aharaphaggunanceva 2- dve ca samanabrahmana kaccanagottam 3- dhammakathikam acelam timbarukkhena ca balapanditanceva 4- dasamo paccayena cati. ------------ @Footnote: 1 Ma. gamissatiti . 2 Ma. Yu. aharam phagguno ceva . 3 Yu. kaccayanagotto. @4 Ma. balapanditato ceva. Yu. balena pandito ceva.The Pali Tipitaka in Roman Character Volume 16 page 30-32. http://84000.org/tipitaka/pitaka_item/roman_item_s.php?book=16&item=60&items=4&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=16&item=60&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=60&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=60&items=4&modeTY=2 Study Atthakatha :- http://84000.org/tipitaka/attha/attha.php?b=16&i=60 The Pali Atthakatha in Thai :- http://84000.org/tipitaka/atthapali/read_th.php?B=12&A=1017 The Pali Atthakatha in Roman :- http://84000.org/tipitaka/atthapali/read_rm.php?B=12&A=1017 Contents of The Tipitaka Volume 16 http://84000.org/tipitaka/read/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]