paliTIPITAKA Volume 22 - Sutta Pitaka 14

[369] 98 So vata bhikkhave bhikkhu kañci saṅkhāraṃ niccato samanupassanto anulomikāya khantiyā samannāgato bhavissatīti netaṃ ṭhānaṃ vijjati anulomikāya khantiyā asamannāgato sammattaniyāmaṃ okkamissatīti netaṃ ṭhānaṃ vijjati sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti @Footnote: ¹ Ma. Yu. paccājāti dullabhā . ² Ma. nasaddo natthi. Netaṃ ṭhānaṃ vijjati. So vata bhikkhave bhikkhu sabbasaṅkhāre ^1- aniccato samanupassanto anulomikāya khantiyā samannāgato bhavissatīti ṭhānametaṃ vijjati anulomikāya khantiyā samannāgato sammattaniyāmaṃ okkamissatīti ṭhānametaṃ vijjati sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti ṭhānametaṃ vijjatīti. [370] 99 So vata bhikkhave bhikkhu kañci saṅkhāraṃ sukhato samanupassanto .pe. Sabbasaṅkhāre ^1- dukkhato samanupassanto .pe. [371] 100 So vata bhikkhave bhikkhu kañci dhammaṃ attato samanupassanto .pe. Sabbadhamme ^2- anattato samanupassanto .pe. [372] 101 So vata bhikkhave bhikkhu nibbānaṃ dukkhato samanupassanto anulomikāya khantiyā samannāgato bhavissatīti netaṃ ṭhānaṃ vijjati anulomikāya khantiyā asamannāgato sammattaniyāmaṃ okkamissatīti netaṃ ṭhānaṃ vijjati sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti netaṃ ṭhānaṃ vijjati. So vata bhikkhave bhikkhu nibbānaṃ sukhato samanupassanto anulomikāya khantiyā samannāgato bhavissatīti ṭhānametaṃ vijjati anulomikāya khantiyā samannāgato sammattaniyāmaṃ okkamissatīti ṭhānametaṃ vijjati @Footnote: ¹ Ma. Yu. sabbasaṅkhāraṃ . ² Yu. sabbadhammaṃ. Sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti ṭhānametaṃ vijjatīti.

The Pali Tipitaka in Roman Character Volume 22 page 491-493. http://84000.org/tipitaka/pitaka_item/roman_item_s.php?book=22&item=369&items=4 Classified by [Item Number] :- http://84000.org/tipitaka/pitaka_item/roman_item_s.php?book=22&item=369&items=4&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=369&items=4 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=369&items=4 Study Atthakatha :- http://84000.org/tipitaka/attha/attha.php?b=22&i=369 Contents of The Tipitaka Volume 22 http://84000.org/tipitaka/read/?index_22