paliTIPITAKA Volume 23 - Sutta Pitaka 15

[237] 33 Navayima bhikkhave anupubbaviharasamapattiyo desessami tam sunatha .pe. katama ca bhikkhave nava anupubbavihara- samapattiyo yattha kama nirujjhanti ye ca kame nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha kama nirujjhanti ke ca kame nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo @Footnote: ¹ Ma. tithanam . ² Ma. sattasanna . ³ Ma. vera.

--------------------------------------------------------------------------------------------- page425.

Idhavuso bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamajjhanam upasampajja viharati ettha kama nirujjhanti te ca kame nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.1} Yattha vitakkavicara nirujjhanti ye ca vitakkavicare nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha vitakkavicara nirujjhanti ke ca vitakkavicare nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu vitakkavicaranam vupasama .pe. dutiyajjhanam upasampajja viharati ettha vitakkavicara nirujjhanti te ca vitakkavicare nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.2} Yattha piti nirujjhati ye ca pitim nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha piti nirujjhati ke ca pitim nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu pitiya ca viraga .pe. Tatiyajjhanam upasampajja

--------------------------------------------------------------------------------------------- page426.

Viharati ettha piti nirujjhati te ca pitim nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.3} Yattha upekkhasukham nirujjhati ye ca upekkhasukham nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha upekkhasukham nirujjhati ke ca upekkhasukham nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sukhassa ca pahana .pe. catutthajjhanam upasampajja viharati ettha upekkhasukham nirujjhati te ca upekkhasukham nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.4} Yattha rupasanna nirujjhanti ye ca rupasanna nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha rupasanna nirujjhanti ke ca rupasanna nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sabbaso rupasannanam samatikkama patighasannanam atthangama nanattasannanam amanasikara ananto akasoti

--------------------------------------------------------------------------------------------- page427.

Akasanancayatanam upasampajja viharati ettha rupasanna nirujjhanti te ca rupasanna nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.5} Yattha akasanancayatanasanna nirujjhati ye ca akasanancayatanasannam nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha akasanancayatanasanna nirujjhati ke ca akasanancayatanasannam nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sabbaso akasanancayatanam samatikkamma anantam vinnananti vinnanancayatanam upasampajja viharati ettha akasanancayatanasanna nirujjhati te ca akasanancayatanasannam nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.6} Yattha vinnanancayatanasanna nirujjhati ye ca vinnanancayatanasannam nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha vinnanancayatanasanna nirujjhati ke ca vinnanancayatanasannam nirodhetva nirodhetva viharanti

--------------------------------------------------------------------------------------------- page428.

Ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sabbaso vinnanancayatanam samatikkamma natthi kinciti akincannayatanam upasampajja viharati ettha vinnanancayatanasanna nirujjhati te ca vinnanancayatanasannam nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.7} Yattha akincannayatanasanna nirujjhati ye ca akincannayatanasannam nirodhetva nirodhetva viharanti addha te ayasmanto nicchata nibbuta tinna paragata tadangenati vadami kattha akincannayatanasanna nirujjhati ke ca akincannayatanasannam nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sabbaso akincannayatanam samatikkamma nevasannanasannayatanam upasampajja viharati ettha akincannayatanasanna nirujjhati te ca akincannayatanasannam nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. {237.8} Yattha nevasannanasannayatanasanna nirujjhati ye ca nevasannanasannayatanasannam nirodhetva nirodhetva viharanti addha

--------------------------------------------------------------------------------------------- page429.

Te ayasmanto nicchata nibbuta tinna paragata tadangenati vadami kattha nevasannanasannayatanasanna nirujjhati ke ca nevasannanasannayatanasannam nirodhetva nirodhetva viharanti ahametam na janami ahametam na passamiti iti yo evam vadeyya so evamassa vacaniyo idhavuso bhikkhu sabbaso nevasannanasannayatanam samatikkamma sannavedayitanirodham upasampajja viharati ettha nevasannanasannayatanasanna nirujjhati te ca nevasanna- nasannayatanasannam nirodhetva nirodhetva viharantiti addha bhikkhave asatho amayavi sadhuti bhasitam abhinandeyya anumodeyya sadhuti bhasitam abhinanditva anumoditva namassamano panjaliko payirupaseyya. Ima kho bhikkhave nava anupubbaviharasamapattiyoti.

The Pali Tipitaka in Roman Character Volume 23 page 424-429. http://84000.org/tipitaka/pitaka_item/roman_item_s.php?book=23&item=237&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=23&item=237&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=237&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=237&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=23&i=237 The Pali Atthakatha in Thai :- http://84000.org/tipitaka/atthapali/read_th.php?B=16&A=6932 The Pali Atthakatha in Roman :- http://84000.org/tipitaka/atthapali/read_rm.php?B=16&A=6932 Contents of The Tipitaka Volume 23 http://84000.org/tipitaka/read/?index_23