[387] |387.747| 3 Cirarattam vatatapi dhammam anuvicintayam
samam cittassa nalattham puccham samanabrahmane.
|387.748| Ko so paragato 2- loke ko patto amatogadham
kassa dhammam paticchami paramatthavijananam.
|387.749| Antovankagato asim macchova ghasamamisam
baddho mahindapasena vepacityasuro yatha.
|387.750| Anchami nam na muncami asma sokapariddava
ko me bandham muncam loke sambodhim vedayissati.
|387.751| Samanam brahmanam va kam adisantam pabhangunam
kassa dhammam paticchami jaramaccupavahanam.
|387.752| Vicikicchakankhagadhitam 3- sarambhabalasannutam
kodhappattamanatthaddham abhijappapadaranam.
|387.753| Tanhadhanusamutthanam dve ca pannarasayutam
@Footnote: 1 Yu. parapariyo . 2 Ma. Yu. parangato . 3 Ma. vicikicchakankhaganthitam.
@Yu. ...gathitam.
Passa orasikam balam bhetvana yadi titthati.
|387.754| Anuditthinam appahanam sankappasaratejitam
tena viddho pavedhami pattamva maluteritam.
|387.755| Ajjhattam me samutthaya khippam pacceti 1- papakam
chaphassayatani kayo yattha sarati sabbada.
|387.756| Tam na passami tekiccham yo me tam sallamuddhare
nanarajjena satthena nannena vicikicchitam.
|387.757| Ko me asattho avano sallamabbhantarapassayam
ahimsam sabbagattani lallam me uddharissati.
|387.758| Dhammappati hi so settho visadosapavahako
gambhire patitassa me thalam paniva dassaye.
|387.759| Rahadehamasmi ogalho ahariyarajamantike
mayaussuyyasarambha thinamiddhamapatthate.
|387.760| Uddhaccameghathanitam samyojanavalahakam
vaha vahanti kudditthim sankappa raganissita.
|387.761| Savanti sabbadhi sota lata ubbhijja titthati
te sote ko nivareyya tam latam ko hi checchati.
|387.762| Velam karotha bhadante sotanam sannivaranam
ma te manomayo soto rukkhamva sahasa luve.
@Footnote: 1 Ma. Yu. paccati mamakam.
|387.763| Evam me bhayajatassa apara paramesato
tano pannavudho sattha isisanghanisevito.
|387.764| Sopanam sukatam suddham dhammasaramayam dalham
padasi vuyhamanassa ma bhayiti ca mabravi.
|387.765| Satipatthanapasadam aruyha paccavekkhisam
yantam pubbe amannissam sakkayabhiratam pajam.
|387.766| Yada ca maggamaddakkhim navaya abhiruhanam
anadhitthaya attanam titthamaddakkhimuttamam.
|387.767| Sallam attasamutthanam bhavanettipabhavitam
etesam appavattaya desesi maggamuttamam.
|387.768| Digharattanusayitam cirarattapatitthitam
buddho me panudi gandham visadosapavahanoti.
Telukani 1- thero.
The Pali Tipitaka in Roman Character Volume 26 page 374-376.
http://84000.org/tipitaka/pitaka_item/roman_item_s.php?book=26&item=387&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=26&item=387&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=26&item=387&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=26&item=387&items=1&modeTY=2
Study Atthakatha :-
http://84000.org/tipitaka/attha/attha.php?b=26&i=387
The Pali Atthakatha in Thai :-
http://84000.org/tipitaka/atthapali/read_th.php?B=33&A=7126
The Pali Atthakatha in Roman :-
http://84000.org/tipitaka/atthapali/read_rm.php?B=33&A=7126
Contents of The Tipitaka Volume 26
http://84000.org/tipitaka/read/?index_26
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
