paliTIPITAKA Volume 27 - Sutta Pitaka 19

page303.

Ekādasanipātajātakaṃ 1 mātuposakajātakaṃ [1493] Tassa nāgassa vippavāsena virūḷhā sallakiyo ca kuṭajā ^1- kuruvindakaravarā bhisasāmā ^2- ca nivāte pupphitā ca kaṇṇikārā ^3-. [1494] Kocideva suvaṇṇakāyurā nāgarājaṃ bharanti piṇḍena yattha rājā rājakumāro vā kavacamabhihessati asambhito ^4-. [1495] Gaṇhāhi nāga kabalaṃ mā nāga kisako bhava bahūni rājakiccāni tāni ^5- nāga karissasi. [1496] Sā nūna sā kapaṇikā andhā aparināyikā ^6- khāṇuṃ pādena ghaṭṭeti giriṃ caṇḍoraṇaṃ pati. [1497] Kānu te sā mahānāga andhā aparināyikā khāṇuṃ pādena ghaṭṭeti giriṃ caṇḍoraṇaṃ pati. [1498] Mātā me sā mahārāja andhā aparināyikā khāṇuṃ pādena ghaṭṭeti giriṃ caṇḍoraṇaṃ pati. [1499] Muñcathetaṃ mahānāgaṃ yoyaṃ bharati mātaraṃ @Footnote: ¹ Ma. sallakī ca kuṭajā ca . ² Ma. kuruvindukaravīrā tisasāmā ca. @³ Ma. kaṇikārā. ⁴ Ma. achambhito . ⁵ Sī. Yu. yāni . ⁶ Ma. apariṇāyikā. @evamuparipi.

--------------------------------------------------------------------------------------------- page304.

Sametu mātarā nāgo saha sabbehi ñātibhi. [1500] Muttova bandhanā nāgo kāsirājena pesito ^1- muhuttaṃ assasitvāna ^2- agamā yena pabbato tato so nilinaṃ ^3- gantvā sītaṃ kuñjarasevitaṃ soṇḍāya udakamāhitvā mātaraṃ abhisiñcatha. [1501] Koyaṃ anariyo devo akālena pavassati gato me atrajo putto yo mayhaṃ paricārako. [1502] Uṭṭhehi amma kiṃ sesi āgato tyāhamatrajo muttomhi kāsirājena vedehena yasassinā. [1503] Ciraṃ jīvatu so rājā kāsīnaṃ raṭṭhavaḍḍhano yo me puttaṃ pamocesi sadā vuḍḍhāpacāyikanti. Mātuposakajātakaṃ paṭhamaṃ. ----------

The Pali Tipitaka in Roman Character Volume 27 page 303-304. http://84000.org/tipitaka/pitaka_item/roman_item_s.php?book=27&item=1493&items=11&pagebreak=1 Classified by [Item Number] :- http://84000.org/tipitaka/pitaka_item/roman_item_s.php?book=27&item=1493&items=11&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1493&items=11&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1493&items=11&pagebreak=1 Study Atthakatha :- http://84000.org/tipitaka/attha/attha.php?b=27&i=1493 The Pali Atthakatha in Thai :- http://84000.org/tipitaka/atthapali/read_th.php?B=40&A=1 The Pali Atthakatha in Roman :- http://84000.org/tipitaka/atthapali/read_rm.php?B=40&A=1 Contents of The Tipitaka Volume 27 http://84000.org/tipitaka/read/?index_27