บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
[2084] Paññāyupetaṃ siriyā vihīnaṃ yasassinaṃ vāpi apetapaññaṃ pucchāmi senaka etamatthaṃ kamettha seyyo kusalā vadanti. [2085] Dhīrā ca bālā ca have janinda sippūpapannā ca asippino ca sujātimantopi ajātimassa yasassino pesakarā 3- bhavanti etampi disvāna ahaṃ vadāmi pañño nihīno sirimāva seyyo. [2086] Tuvampi pucchāmi anomapañña mahosadha kevaladhammadassi bālaṃ yasassiṃ paṇḍitaṃ appabhogaṃ @Footnote: 1 Sī. datvā mānusakaṃ . 2 Ma. sirimantajātakaṃ . 3 Sī. Yu. pessakārā. Kamettha seyyo kusalā vadanti. [2087] Pāpāni kammāni karonti bālā 1- idameva 2- seyyo iti maññamānā 3- idhalokadassī paralokaṃ adassī ubhayattha bālo kalimaggahesi etampi disvāna ahaṃ vadāmi paññova seyyo na yasassi bālo. [2088] Na sippametaṃ vidadhāti bhogaṃ na bandhavā na sarīrāvakāso passeḷamūgaṃ sukhamedhamānaṃ sirīhīnaṃ bhajate goravindaṃ 5- etampi disvāna ahaṃ vadāmi pañño nihīno sirimāva seyyo. [2089] Laddhā sukhaṃ majjati appapañño dukkhena phuṭṭhopi pamohameti āgantunā sukhadukkhena phuṭṭho pavedhati vāricarova ghamme etampi disvāna ahaṃ vadāmi paññova seyyo na yasassi bālo. [2090] Dumaṃ yathā sāduphalaṃ araññe @Footnote: 1 Ma. karoti bālo . 2 Ma. idhameva . 3 Ma. maññamāno . 4 Ma. na bandhuvā @na sarīravaṇṇo yo . 5 Sī. Yu. gorimandaṃ. Samantato samabhisaranti 1- pakkhī evampi addhaṃ sadhanaṃ sabhogaṃ bahujjano bhajjati 2- atthahetu etampi disvāna ahaṃ vadāmi pañño nihīno sirimāva seyyo. [2091] Na sādhu balavā bālo sāhasaṃ 3- vindate dhanaṃ kandantametaṃ dummedhaṃ kaḍḍhanti nirayaṃ bhusaṃ etampi disvāna ahaṃ vadāmi paññova seyyo na yasassi bālo. [2092] Yākāci najjo gaṅgamabhisavanti 4- sabbāva tā nāmagottaṃ jahanti gaṅgā samuddaṃ paṭipajjamānā na khāyate iddhiparo 5- hi loke 6- etampi disvāna ahaṃ vadāmi pañño nihīno sirimāva seyyo. [2093] Yametamakkhā udadhiṃ mahantaṃ payanti 7- najjo sabbakālaṃ asaṅkhyaṃ so sāgaro niccamuḷāravego velaṃ na acceti mahāsamuddo @Footnote: 1 Sī. Yu. samabhicaranti . 2 Ma. bhajati . 3 Ma. sāhasā . 4 Ma. gaṅgāmabhissavanti. @5 iddhivarotipi. Ma. iddhiṃ paññopi . 6 Sī. Yu. loko . 7 Ma. savanti. Evampi bālassa pajappitāni paññaṃ na acceti sirī kadāci etampi disvāna ahaṃ vadāmi paññova seyyo na yasassi bālo. [2094] Asaññato cepi paresamatthaṃ bhaṇāti saṇṭhānagato 1- yasassī tasseva taṃ rūhati ñātimajjhe sirīhīnaṃ 2- kārayate na paññaṃ 3- etampi disvāna ahaṃ vadāmi pañño nihīno sirimāva seyyo. [2095] Parassa vā attano vāpi hetu bālo musā bhāsati appapañño so nindito hoti sabhāya majjhe pacchāpi 4- so duggatigāmi hoti etampi disvāna ahaṃ vadāmi paññova seyyo na yasassi bālo. [2096] Atthampi ce bhāsati bhūripañño anāḷiyo 5- appadhano daliddo na tassa taṃ rūhati ñātimajjhe @Footnote: 1 Sī. santhānagato. Ma. sandhānagato . 2 Ma. sirī hi naṃ . 3 Ma. paññā. Sī. pañño. @4 Sī. Yu. peccampi . 5 Yu. anālayo. Sirī ca paññāṇavato na hoti etampi disvāna ahaṃ vadāmi pañño nihīno sirimāva seyyo. [2097] Parassa vā attano vāpi hetu na bhāsati alikaṃ bhūripañño so pūjito hoti sabhāya majjhe pacchāpi so suggatigāmi hoti etampi disvāna ahaṃ vadāmi paññova seyyo na yasassi bālo. [2098] Hatthigavassā maṇikuṇḍalā ca nāriyo 1- ca iddhesu kulesu jātā sabbāva tā upabhogā bhavanti iddhassa posassa aniddhimanto etampi disvāna ahaṃ vadāmi pañño nihīno sirimāva seyyo. [2099] Asaṃvihitakammantaṃ bālaṃ dummantimantinaṃ 2- sirī jahati dummedhaṃ jiṇṇaṃva urago tacaṃ etampi disvāna ahaṃ vadāmi paññova seyyo na yasassi bālo. [2100] Pañca paṇḍitā mayaṃ bhadante @Footnote: 1 Ma. thiyo . 2 Ma. dummedhamantinaṃ. Sabbe pañjalikā upaṭṭhitā taṃ 1- tvaṃ no abhibhuyya issarosi sakkova bhūtappati devarājā etampi disvāna ahaṃ vadāmi pañño nihīno sirimāva seyyo. [2101] Dāsova paññassa yasassi bālo atthesu jātesu tathāvidhesu yaṃ paṇḍito nipuṇaṃ saṃvidheti sammohamāpajjati tattha bālo etampi disvāna ahaṃ vadāmi paññova seyyo na yasassi bālo. [2102] Addhā hi paññāva sataṃ pasatthā kantā sirī bhogaratā manussā ñāṇañca buddhānamatulyarūpaṃ paññaṃ na acceti sirī kadāci. [2103] Yantaṃ apucchimha akittayī no mahosadha kevaladhammadassi gavaṃsahassaṃ usabhañca nāgaṃ ājaññayutte ca rathe dasa ime pañhassa veyyākaraṇena tuṭṭho @Footnote: 1 Ma. ayaṃ pāṭho natthi. Dadāmi te gāmavarāni soḷasāti. Sirimandajātakaṃ catutthaṃ. ----------- 5 Rohanamigajātakaṃ 1-The Pali Tipitaka in Roman Character Volume 27 page 423-429. http://84000.org/tipitaka/pitaka_item/roman_item_s.php?book=27&item=2084&items=20&mode=bracket Classified by content :- http://84000.org/tipitaka/pitaka_item/roman_item_s.php?book=27&item=2084&items=20 Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=2084&items=20&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=2084&items=20&mode=bracket Study Atthakatha :- http://84000.org/tipitaka/attha/attha.php?b=27&i=2084 The Pali Atthakatha in Thai :- http://84000.org/tipitaka/atthapali/read_th.php?B=41&A=1053 The Pali Atthakatha in Roman :- http://84000.org/tipitaka/atthapali/read_rm.php?B=41&A=1053 Contents of The Tipitaka Volume 27 http://84000.org/tipitaka/read/?index_27
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]