TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                      Tepannaso tinadayakavaggo
               pathamam tinamutthidayakattherapadanam (521)
     [111] |111.1| Himavantassa avidure        lambako nama pabbato
                         tattheva 1- tisso sambuddho abbokasamhi cankami.
           |111.2| Migaluddho pure 2- asim       aranne kanane aham
                         disvanaham devadevam            tinamutthimadasaham.
           |111.3| Nisidanattham buddhassa            datva cittam pasadayim
                         sambuddham abhivaditva         pakkamim uttaramukho.
           |111.4| Aciram gatamattam 3- mam            migaraja ahethayi 4-
                         sihena ghatito 5- santo     tattha kalam kato aham.
           |111.5| Asanne me katam kammam        buddhasetthe anasave
                         sumutto saravegova 6-          devalokam aganchaham.
           |111.6| Yupo tattha subho asi          punnakammabhinimmito
                         sahassakando sattagendu     dhajalu haritamayo.
@Footnote: 1 Yu. tatthopatisso. 2 Yu. tada. 3 Ma. Yu. gatamattassa. 4 Ma. apothayi.
@5 Ma. pothito. Yu. patito. 6 Po. Yu. ... ca.
---------------------------------------------------------------------------------------------
page164.
           |111.7|  Pabha niddhavate tassa        sataramsiva uggato
                         akinno devakannahi     amodim kamakamiham.
           |111.8|  Devaloka cavitvana           sukkamulena codito
                         agantvana manussattam       pattomhi asavakkhayam.
           |111.9|  Catunavute ito kappe          nisidanamakasaham
                         duggatim nabhijanami           tinamutthe idam phalam.
           |111.10|  Kilesa jhapita mayham    bhava sabbe samuhata
                           nagova bandhanam chetva      viharami anasavo.
           |111.11|  Svagatam vata me asi        mama buddhassa santike
                           tisso vijja anuppatta   katam buddhassa sasanam.
           |111.12|  Patisambhida catasso       vimokkhapica atthime
                           chalabhinna sacchikata       katam buddhassa sasananti.
  Ittham sudam ayasma tinamutthidayako thero ima gathayo abhasitthati.
                        Tinamutthidayakattherassa apadanam samattam.


             The Pali Tipitaka in Roman Character Volume 33 page 163-164.
http://84000.org/tipitaka/pitaka_item/roman_item_s.php?book=33&item=111&items=1&pagebreak=1&modeTY=2
             Classified by [Item Number] :-
http://84000.org/tipitaka/pitaka_item/roman_item_s.php?book=33&item=111&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=111&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=111&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=33&i=111
             Contents of The Tipitaka Volume 33
http://84000.org/tipitaka/read/?index_33