paliTIPITAKA Volume 40 - Abhidhamma Pitaka 7

Saṃsaṭṭhavāro [1471] Upādinnupādāniyaṃ dhammaṃ saṃsaṭṭho upādinnupādāniyo dhammo uppajjati hetupaccayā upādinnupādāniyaṃ ekaṃ khandhaṃ saṃsaṭṭhā tayo khandhā tayo khandhe saṃsaṭṭho eko khandho dve khandhe saṃsaṭṭhā dve khandhā paṭisandhikkhaṇe upādinnupādāniyaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā . Anupādinnupādāniyaṃ dhammaṃ saṃsaṭṭho anupādinnupādāniyo dhammo uppajjati hetupaccayā anupādinnupādāniyaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā . anupādinnaanupādāniyaṃ dhammaṃ saṃsaṭṭho anupādinnaanupādāniyo dhammo uppajjati hetupaccayā anupādinnaanupādāniyaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā. [1472] Hetuyā tīṇi . saṅkhittaṃ . adhipatiyā dve āsevane dve vipāke dve. Saṅkhittaṃ. Avigate tīṇi. Yathā kusalattike gaṇanā evaṃ gaṇetabbā. Anulomaṃ. [1473] Upādinnupādāniyaṃ dhammaṃ saṃsaṭṭho upādinnupādāniyo dhammo uppajjati nahetupaccayā ahetukaṃ upādinnupādāniyaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā ahetukapaṭisandhikkhaṇe ... . anupādinnupādāniyaṃ dhammaṃ saṃsaṭṭho anupādinnupādāniyo dhammo uppajjati nahetupaccayā ahetukaṃ anupādinnupādāniyaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. Saṅkhittaṃ. Nahetuyā dve naadhipatiyā tīṇi navippayutte tīṇi. Saṅkhittaṃ. Paccanīyaṃ. [1474] Hetupaccayā naadhipatiyā tīṇi ... navippayutte tīṇi. Nahetupaccayā ārammaṇe dve. Saṅkhittaṃ. ... Avigate dve. Saṃsaṭṭhavāro.

The Pali Tipitaka in Roman Character Volume 40 page 497-498. http://84000.org/tipitaka/pitaka_item/roman_item_s.php?book=40&item=1471&items=4 Classified by [Item Number] :- http://84000.org/tipitaka/pitaka_item/roman_item_s.php?book=40&item=1471&items=4&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=40&item=1471&items=4 Compare with The Royal Version of Thai Tipitaka :- http://84000.org/tipitaka/read/byitem_s.php?book=40&item=1471&items=4 Study Atthakatha :- http://84000.org/tipitaka/attha/attha.php?b=40&i=1471 Contents of The Tipitaka Volume 40 http://84000.org/tipitaka/read/?index_40