บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
[126] Athakho bhagava bhaggesu yathabhirantam viharitva yena savatthi tena carikam pakkami anupubbena carikancaramano yena savatthi tadavasari . tatra sudam bhagava savatthiyam viharati jetavane anathapindikassa arame . athakho visakha migaramata ghatakanca katakanca sammajjaninca adaya yena bhagava tenupasankami upasankamitva bhagavantam abhivadetva ekamantam nisidi . Ekamantam nisinna kho visakha migaramata bhagavantam etadavoca patigganhatu me bhante bhagava ghatakanca katakanca sammajjaninca @Footnote: 1 Ma. dutiyabhanavaro nitathito. Yam mama assa digharattam hitaya sukhayati . patiggahesi bhagava ghatakanca sammajjaninca . na bhagava katakam patiggahesi . athakho bhagava visakham migaramataram dhammiya kathaya sandassesi samadapesi samuttejesi sampahamsesi . athakho visakha migaramata bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkami. [127] Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave ghatakanca sammajjaninca na bhikkhave katakam paribhunjitabbam yo paribhunjeyya apatti dukkatassa anujanami bhikkhave tisso padaghamsaniyo sakkharam kathalam samuddaphenakanti. [128] Athakho visakha migaramata vidhupananca talavantanca adaya yena bhagava tenupasankami upasankamitva bhagavantam abhivadetva ekamantam nisidi . ekamantam nisinna kho visakha migaramata bhagavantam etadavoca patigganhatu me bhante bhagava vidhupananca talavantanca yam mama assa digharattam hitaya sukhayati . patiggahesi bhagava vidhupananca talavantanca . athakho bhagava visakham migaramataram dhammiya kathaya sandassesi .pe. Padakkhinam katva pakkami. [129] Athakho bhagava etasmim nidane etasmim pakarane Dhammim katham katva bhikkhu amantesi anujanami bhikkhave vidhupananca talavantancati. [130] Tena kho pana samayena sanghassa makasavijani uppanna hoti . bhagavato etamattham arocesum . anujanami bhikkhave makasavijaninti . camarivijani 1- uppanna hoti . bhagavato etamattham arocesum . na bhikkhave camarivijani 1- dharetabba yo dhareyya apatti dukkatassa anujanami bhikkhave tisso vijaniyo vakamayam usiramayam morapinchamayanti. [131] Tena kho pana samayena sanghassa chattam uppannam hoti. Bhagavato etamattham arocesum. Anujanami bhikkhave chattanti. [132] Tena kho pana samayena chabbaggiya bhikkhu chattapaggahita 2- ahindanti . tena kho pana samayena annataro upasako sambahulehi ajivakasavakehi saddhim uyyanam agamasi . addasamsu kho 3- te ajivakasavaka chabbaggiye bhikkhu durato va chattapaggahite agacchante disvana tam upasakam etadavocum ete kho ayya 4- tumhakam bhaddanta chattapaggahita agacchanti seyyathapi ganakamahamattati . na ayya 5- ete bhikkhu paribbajakati . Bhikkhu na bhikkhuti abbhutam akamsu . athakho so upasako upagato 6- sanjanitva ujjhayati khiyati vipaceti katham hi nama bhaddanta @Footnote: 1 Yu. camaravijani. 2 Yu. chattam paggahetva. 3 Ma. Yu. addasasum kho. @4 Ma. Yu. ayyo. 5 Ma. nayya. Yu. nayayo. 6 Ma. Yu. gupagate Chattapaggahita ahindissantiti . assosum kho bhikkhu tassa upasakassa ujjhayantassa khiyantassa vipacentassa . athakho te bhikkhu bhagavato etamattham arocesum . saccam kira bhikkhave .pe. saccam bhagavati .pe. vigarahitva dhammim katham katva bhikkhu amantesi na bhikkhave chattam dharetabbam yo dhareyya apatti dukkatassati. [133] Tena kho pana samayena annataro bhikkhu gilano hoti . tassa vina chattam phasu na hoti 1- . bhagavato etamattham arocesum. Anujanami bhikkhave gilanassa chattanti 2-. [134] Tena kho pana samayena bhikkhu gilanasseva bhagavata chattam anunnatam no agilanassati arame aramupacare chattam dharetum kukkuccayanti . bhagavato etamattham arocesum .pe. anujanami bhikkhave agilanenapi 3- bhikkhuna 4- arame aramupacare chattam dharetunti.The Pali Tipitaka in Roman Character Volume 7 page 50-53. http://84000.org/tipitaka/pitaka_item/roman_item_s.php?book=7&item=126&items=9&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=7&item=126&items=9&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=126&items=9&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=126&items=9&modeTY=2 Study Atthakatha :- http://84000.org/tipitaka/attha/attha.php?b=7&i=126 Contents of The Tipitaka Volume 7 http://84000.org/tipitaka/read/?index_7
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]