[389] Athakho devadatto tadahuposathe utthayasana salakam
gahesi mayam avuso samanam gotamam upasankamitva panca vatthuni
@Footnote: 1 Ma. ajjatagge.
Yacimha bhagava bhante anekapariyayena appicchassa .pe.
Viriyarambhassa vannavadi imani bhante panca vatthuni anekapariyayena
appicchataya .pe. viriyarambhaya samvattanti sadhu bhante bhikkhu
yavajivam arannaka assu yo gamantam osareyya vajjam nam
phuseyya .pe. yavajivam macchamamsam na khadeyyum yo macchamamsam khadeyya
vajjam nam phuseyyati imani panca vatthuni samano gotamo
nanujanati te ca mayam imehi pancahi vatthuhi samadaya
vattama yassayasmato imani panca vatthuni khamanti so
salakam ganhatuti.
[390] Tena kho pana samayena vesalika vajjiputtaka
pancamattani bhikkhusatani navaka ceva honti appakatannuno ca .
Te ca ayam dhammo ayam vinayo idam satthusasananti salakam
ganhimsu . athakho devadatto sangham bhinditva pancamattani
bhikkhusatani adaya yena gayasisam tena pakkami.
[391] Athakho sariputtamoggallana yena bhagava tenupasankamimsu
upasankamitva bhagavantam abhivadetva ekamantam nisidimsu . ekamantam
nisinno kho ayasma sariputto bhagavantam etadavoca devadatto
bhante sangham bhinditva pancamattani bhikkhusatani adaya yena
gayasisam tena pakkantoti . nanu hi 1- nama tumhakam sariputta
@Footnote: 1 Ma. Yu. na hi.
Tesu navakesu bhikkhusu karunnampi bhavissati gacchatha tumhe sariputta
pura te bhikkhu anayabyasanam apajjantiti . evam bhanteti kho
sariputtamoggallana bhagavato patissutva utthayasana bhagavantam
abhivadetva padakkhinam katva yena gayasisam tenupasankamimsu.
[392] Tena kho pana samayena annataro bhikkhu bhagavato
avidure thito rodito hoti 1- . athakho bhagava tam bhikkhum etadavoca
kissa tvam bhikkhu rodasiti . yepi te bhante bhagavato aggasavaka
sariputtamoggallana tepi devadattassa santike gacchanti
devadattassa dhammam rocentati . atthanametam bhikkhu anavakaso yam
sariputtamoggallana devadattassa dhammam roceyyum apica te
gata bhikkhusannattiyati.
[393] Tena kho pana samayena devadatto mahatiya parisaya
parivuto dhammam desento nisinno hoti . addasa kho devadatto
sariputtamoggallane durato va agacchante disvana bhikkhu
amantesi passatha bhikkhave yava svakkhato maya dhammo yepi
te samanassa gotamassa aggasavaka sariputtamoggallana tepi
mama santike agacchanti mama dhammam rocentati. Evam vutte kokaliko
devadattam etadavoca ma avuso devadatta sariputtamoggallanehi 2-
@Footnote: 1 Ma. Yu. bhagavato avidure rodamano thito hotiti.
@2 Ma. Yu. sariputtamoggallane.
Vissasi papiccha sariputtamoggallana papikanam icchanam
vasam gatati . alam avuso svagatam tesam yato me dhammam rocentiti.
Athakho devadatto ayasmantam sariputtam upaddhasanena nimantesi
ehavuso sariputta idha nisidahiti . alam avusoti kho ayasma
sariputto annataram asanam gahetva ekamantam nisidi . ayasmapi
kho mahamoggallano annataram asanam gahetva ekamantam nisidi .
Athakho devadatto bahudeva rattim bhikkhu dhammiya kathaya sandassetva
samadapetva samuttejetva sampahamsetva ayasmantam sariputtam
ajjhesi vigatathinamiddho kho avuso sariputte bhikkhusangho patibhatu
tam avuso sariputta bhikkhunam dhammi katha pitthi me agilayati tamaham
ayamissamiti . evamavusoti kho ayasma sariputto devadattassa
paccassosi . athakho devadatto catuggunam sanghatim pannapetva
dakkhinena passena seyyam kappesi . tassa kilantassa 1- mutthassatissa
asampajanassa muhuttakeneva niddam 2- okkami.
[394] Athakho ayasma sariputto adesanapatihariyanusasaniya
bhikkhu dhammiya kathaya ovadi anusasi . ayasma mahamoggallano
iddhipatihariyanusasaniya bhikkhu dhammiya kathaya ovadi anusasi .
Athakho tesam bhikkhunam ayasmata sariputtena adesana-
patihariyanusasaniya ayasmata ca mahamoggallanena
@Footnote: 1 Ma. kilamantassa. 2 Ma. Yu. nidda.
Iddhipatihariyanusasaniya ovadiyamananam anusasiyamananam virajam vitamalam
dhammacakkhum udapadi yankinci samudayadhammam sabbantam nirodhadhammanti .
Athakho ayasma sariputto bhikkhu amantesi gacchama mayam avuso
bhagavato santike yo tassa bhagavato dhammam roceti 1- so agacchatuti.
Athakho sariputtamoggallana tani panca bhikkhusatani adaya
yena veluvanam tenupasankamimsu . atha kho kokaliko devadattam
utthapesi utthehi avuso devadatta nita te bhikkhu sariputta-
moggallanehi nanu tvam avuso devadatta maya vutto ma avuso
devadatta sariputtamoggallanehi vissasi papiccha sariputta-
moggallana papikanam icchanam vasam gatati . athakho devadattassa
tattheva unham lohitam mukhato ugganchi.
[395] Athakho sariputtamoggallana yena bhagava tenupasankamimsu
upasankamitva bhagavantam abhivadetva ekamantam nisidimsu . ekamantam
nisinno kho ayasma sariputto bhagavantam etadavoca sadhu bhante
bhedakanuvattaka bhikkhu puna upasampajjeyyunti . alam sariputta
ma te rucci bhedakanuvattakanam bhikkhunam puna upasampada tenahi
tvam sariputta bhedakanuvattake bhikkhu thullaccayam desapehi katham
pana te sariputta devadatto patipajjiti . yatheva bhante bhagava
bahudeva rattim bhikkhu dhammiya kathaya sandassetva samadapetva
samuttejetva sampahamsetva mam ajjhesi vigatathinamiddho
@Footnote: 1 Ma. rocesi.
Kho sariputta bhikkhusangho patibhatu tam sariputta bhikkhunam dhammi
katha pitthi me agilayati tamaham ayamissamiti evameva kho
bhante devadatto patipajjiti.
[396] Athakho bhagava bhikkhu amantesi bhutapubbam bhikkhave
arannayatane mahasarasi tam naga upanissaya viharimsu . te
ca 1- tam sarasim ogahetva sondaya bhimsamulalam 2- abbuhitva 3-
suvikkhalitam vikkhaletva akaddamam sankhaditva ajjhoharanti . tesam tam
vannaya ceva hoti balaya ca . na ca tatonidanam maranam va nigacchanti
maranamattam va dukkham . tesamyeva kho pana bhikkhave mahanaganam
anusikkhamana taruna naga 4- bhinkacchapa te tam sarasim ogahetva
sondaya bhimsamulalam abbuhitva na suvikkhalitam vikkhaletva
sakaddamam sankhaditva ajjhoharanti . tesam tam neva vannaya
hoti na balaya . tatonidanam ca maranam va nigacchanti maranamattam
va dukkham evameva kho bhikkhave devadatto mamanukubbam kapano
marissatiti.
[397] Mahavarahassa mahim vikubbato
bhimsam ghasanassa 5- nadisu jaggato
@Footnote: 1 Ma. Yu. casaddo natthi 2 Ma. Yu. bhisamulalam. 3 Ma. abbahitva. Yu. abbahitva.
@4 Ma. Yu. ayam patho natthi. 5 Yu. ghasamanassa.
Bhinkova pankam abhibhakkhayitva
mamanukubbam kapano marissatiti.
The Pali Tipitaka in Roman Character Volume 7 page 195-201.
http://84000.org/tipitaka/pitaka_item/roman_item_s.php?book=7&item=389&items=9&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=7&item=389&items=9&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=7&item=389&items=9&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=7&item=389&items=9&modeTY=2
Study Atthakatha :-
http://84000.org/tipitaka/attha/attha.php?b=7&i=389
Contents of The Tipitaka Volume 7
http://84000.org/tipitaka/read/?index_7
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
