paliTIPITAKA Volume 7 - Vinaya Pitaka 7

Pātimokkhaṭṭhapanakkhandhakaṃ [447] Tena samayena buddho bhagavā sāvatthiyaṃ viharati pubbārāme migāramātu pāsāde . tena kho pana samayena bhagavā tadahuposathe paṇṇarase ^1- bhikkhusaṅghaparivuto nisinno hoti . athakho āyasmā ānando abhikkantāya rattiyā nikkhante paṭhame yāme uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjalimpaṇāmetvā bhagavantaṃ etadavoca abhikkantā bhante ratti nikkhanto paṭhamo yāmo ciranisinno bhikkhusaṅgho uddisatu bhante bhagavā bhikkhūnaṃ pātimokkhanti. {447.1} Evaṃ vutte bhagavā tuṇhī ahosi . dutiyampi kho āyasmā ānando abhikkantāya rattiyā nikkhante majjhime yāme uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjalimpaṇāmetvā bhagavantaṃ etadavoca abhikkantā bhante ratti nikkhanto majjhimo yāmo ciranisinno bhikkhusaṅgho uddisatu bhante bhagavā bhikkhūnaṃ pātimokkhanti . dutiyampi kho bhagavā tuṇhī ahosi . tatiyampi kho āyasmā ānando abhikkantāya rattiyā nikkhante pacchime yāme uddhaste ^2- aruṇe nandimukhiyā rattiyā uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjalimpaṇāmetvā bhagavantaṃ etadavoca @Footnote: ¹ Ma. Yu. ayaṃ pāṭho natthi. ² Yu. uddhate. Abhikkantā bhante ratti nikkhanto pacchimo yāmo uddhastaṃ ^1- aruṇaṃ nandimukhī ratti ciranisinno bhikkhusaṅgho uddisatu bhante bhagavā bhikkhūnaṃ pātimokkhanti. Aparisuddhā ānanda parisāti.

The Pali Tipitaka in Roman Character Volume 7 page 283-284. http://84000.org/tipitaka/pitaka_item/roman_item_s.php?book=7&item=447&items=1 Classified by [Item Number] :- http://84000.org/tipitaka/pitaka_item/roman_item_s.php?book=7&item=447&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=447&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=447&items=1 Study Atthakatha :- http://84000.org/tipitaka/attha/attha.php?b=7&i=447 The Pali Atthakatha in Thai :- http://84000.org/tipitaka/atthapali/read_th.php?B=3&A=9085 The Pali Atthakatha in Roman :- http://84000.org/tipitaka/atthapali/read_rm.php?B=3&A=9085 Contents of The Tipitaka Volume 7 http://84000.org/tipitaka/read/?index_7