อรรถกถาเล่มที่ ๑๓ หน้าที่ ๒๐๒.

ยเถว หิ เตสํ ปุรตฺถิมทิสาทีหิ อาคตานํ ขตฺติยาทีนํ วาโส อาคนฺตุกาคาเร อิชฺฌติ, เอวํ อิเมสํ อภิญฺญา ปริญฺเญยฺยาติอาทีนํ ธมฺมานํ อภิญฺญา ปริชานนาทีหิ สหวิปสฺสนสฺส อริยมคฺคสฺส ภาวนาย อิชฺฌนฺติ, เตเนตํ วุตฺตํ. นทีสุตฺตํ เหฏฺฐา วุตฺตนยเมวาติ. พลกรณียวคฺโค. ---------- ๗. เอสนาวคฺค ๑. เอสนาสุตฺตวณฺณนา [๑๖๑] เอสนาวคฺเค กาเมสนาติ กามานํ เอสนา คเวสนา มคฺคนา ปฏฺฐนา. ภเวสนาติ ภวานํ เอสนา. พฺรหฺมจริเยสนาติ มิจฺฉาทิฏฺฐิสงฺขาตสฺส พฺรหฺมจริยสฺส เอสนา. ๒-๑๑. วิธาสุตฺตาทิวณฺณนา [๑๖๒-๑๗๑] วิธาติ มานโกฏฺฐาสา มานฏฺฐปนา วา. เสยฺโยหมสฺมีติ วิธาติ อหมสฺมิ เสยฺโยติ เอวํ มานโกฏฺฐาสา มานฏฺฐปนา วา. นีฆาติ ทุกฺขา. วจนตฺโถ ปเนตฺถ ยสฺส อุปฺปชฺชนฺติ, ตํ ปุริสํ นีหรนฺตีติ นีฆา. เสสเมตฺถ อุตฺตานเมวาติ. เอสนาวคฺโค. ---------

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๐๒. http://84000.org/tipitaka/read/attha_page.php?book=13&page=202&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=4392&modeTY=2&pagebreak=1 http://84000.org/tipitaka/atthapali/th_line.php?B=13&A=4392&modeTY=2&pagebreak=1#p202