บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 303.
3-5. Parihānasuttādivaṇṇanā [389-391] Tatiye parihānaṃ hotīti puggalavasena parihānaṃ hoti. Yo hi buddhesu dharantesupi cattāro satipaṭṭhāne na bhāveti, tassa saddhammo antarahito nāma hoti devadattādīnaṃ viya. Iti imasmiṃ sutte tassa puggalasseva dhammantaradhānaṃ kathitaṃ. Catutthapañcamesu sabbaṃ uttānameva. 6. Padesasuttavaṇṇanā [392] Chaṭṭhe padesaṃ bhāvitattāti padesato 1- bhāvitattā. Cattāro hi magge tīṇi ca phalāni nibbattantena satipaṭṭhānā padesaṃ bhāvitā nāma honti. 7. Samattasuttavaṇṇanā [393] Sattame samattaṃ bhāvitattāti samattā bhāvitattā. Arahattaphalañca uppādentena hi satipaṭṭhānā samattā bhāvitā nāma honti. 8-10. Lokasuttādivaṇṇanā [394-396] Aṭṭhame mahābhiññatanti 2- channaṃ abhiññānaṃ vasena vuttaṃ. Sahassalokaṃ abhijānāmīti satatavihāravaseneva vuttaṃ. Thero kira pātova uṭṭhāya mukhaṃ dhovitvā senāsane nisinno atīte kappasahassaṃ, anāgate kappasahassaṃ anussarati, paccuppannepi sahassaṃ cakkavāḷānaṃ tassāvajjanassa gatiṃ anubandhati, iti so dibbena cakkhunā sahassaṃ lokaṃ abhijānāti, ayamassa satatavihāro. Sesaṃ sabbattha uttānatthamevāti. Sīlaṭṭhitivaggo tatiyo. --------------- @Footnote: 1 ka. padesaṃ 2 Sī. mahābhiññānantiThe Pali Atthakatha in Roman Character Volume 13 Page 303. http://84000.org/tipitaka/read/attha_page.php?book=13&page=303&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=6623&pagebreak=1 http://84000.org/tipitaka/atthapali/rm_line.php?B=13&A=6623&pagebreak=1#p303
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]