อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๒๕.

                         ๓. เสขสุตฺตวณฺณนา
    [๕๒๓] ตติเย น เหว โข กาเยน ผุสิตฺวา วิหรตีติ น นามกาเยน
ผุสิตฺวา ปฏิลภิตฺวา วิหรติ, ผุสฺสิตุ ํ ปฏิลภิตุ ํ น สกฺโกติ. ปญฺญาย จ อติวิชฺฌ
ปสฺสตีติ ปจฺจเวกฺขณปญฺญาย ปน "อุปริ อรหตฺตผลินฺทฺริยํ นาม อตฺถี"ติ
ปชานาติ. อเสขภูมิยํ ผุสิตฺวา วิหรตีติ ปฏิลภิตฺวา วิหรติ. ปญฺญายาติ
ปจฺจเวกฺขณปญฺญาย "อรหตฺตผลินฺทฺริยํ นาม อตฺถี"ติ ปชานาติ. น กุหิญฺจิ
กิสฺมิญฺจีติ เทฺวปิ อญฺญมญฺญเววจนาเนว, กิสฺมิญฺจิ ภเว น อุปฺปชฺชิสฺสนฺตีติ
อตฺโถ. อิมสฺมึ สุตฺเต ปญฺจินฺทฺริยานิ โลกุตฺตรานิ, ฉ โลกิกานิ วฏฺฏนิสฺสิตาเนว
กถิตานิ.
                        ๔-๕. ปทสุตฺตาทิวณฺณนา
    [๕๒๔-๕๒๕] จตุตฺเถ ยานิ กานิจิ ปทานิ โพธาย สํวตฺตนฺตีติ ยานิ
กานิจิ ธมฺมปทานิ เยเกจิ ธมฺมโกฏฺฐาสา พุชฺฌนตฺถาย สํวตฺตนฺติ. ปญฺจมํ
อุตฺตานเมว.
                      ๖-๗. ปติฏฺฐิตสุตฺตาทิวณฺณนา
    [๕๒๖-๕๒๗] ฉฏฺเฐ จิตฺตํ รกฺขติ อาสเวสุ จ สาสเวสุ จ ธมฺเมสูติ
เตภูมกธมฺเม อารพฺภ อาสวุปฺปตฺตึ วาเรนฺโต อาสเวสุ จ สาสเวสุ จ ธมฺเมสุ
จิตฺตํ รกฺขติ นาม. สตฺตมํ อุตฺตานเมว.
                        ๘. สูกรขตสุตฺตวณฺณนา
    [๕๒๘] อฏฺฐเม สูกรขตายนฺติ สูกรขตเลเณ. กสฺสปพุทฺธกาเล กิร ตํ
เลณํ เอกสฺมึ พุทฺธนฺตเร ปฐวิยา วฑฺฒมานาย อนฺโตภูมิคตํ ชาตํ. อเถกทิวสํ
เอโก สูกโร ตสฺส ฉทนปริยนฺตสมีเป ปํสุ ํ ขนิ. เทเว วุฏฺเฐ ปํสุ โธตา,
ฉทนปริยนฺโต ปากโฏ อโหสิ. เอโก วนจรโก ทิสฺวา "ปุพฺเพ สีลวนฺเตหิ
ปริภุตฺตฏฺฐาเนน ภวิตพฺพํ, ปฏิชคฺคิสฺสามิ นนฺ"ติ สมนฺตโต ปํสุ ํ อปเนตฺวา


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๒๕.
http://84000.org/tipitaka/read/attha_page.php?book=13&page=325&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=7093&modeTY=2&pagebreak=1
http://84000.org/tipitaka/atthapali/th_line.php?B=13&A=7093&modeTY=2&pagebreak=1#p325