บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 37.
Sunathati dipento evamaha. Jatu vedaguti aham ekamsena vedagu, vedasankhatena nanena neyyesu gato, vedam va gato adhigato, pandito asmiti 1- attho. Sabbajjiti ekamsena sabbam vattam jinitva abhibhavitva thitosmiti vadati. Apalikhatam gandamulanti akhatam 2- dukkhamulam. Palikhaninti palikhatam maya, khanitva thitosmiti dipeti. Matapettikasambhavassati matito ca pitito ca nibbhatena matapettikena sukkasonitena sambhutassa. Odanakummasupacayassati odanena ceva kummasena ca upacitassa vaddhitassa. Aniccucchadanaparimaddanabhedanaviddhamsanadhammassati ettha ayam kayo hutva abhavatthena aniccadhammo, duggandhavighatatthaya gandhavilepanena 3- ucchadanadhammo, angapaccangabadhavinodanatthaya udakasambahanena 4- parimaddanadhammo, daharakale va urusu sayapetva gabbhavasena dussanthitanam tesam tesam anganam santhanasampadanattham anjanapilanadivasena parimaddanadhammo, evam pariharitopi ca bhedanaviddhamsanadhammo bhijjati ceva vikirati ca, evam sabhavoti attho. Tattha matapettikasambhavaodanakummasupacayaparimaddanapadehi vuddhi kathita, aniccabhedanaviddhamsanapadehi parihani. Purimehi va tihi samudayo, pacchimehi atthangamoti. Evam catumahabhutikassa kayassa vuddhiparihaninibbattibheda dassita. Sesam uttanatthamevati. Salavaggo pancamo. Dutiyo pannasako. ------------- @Footnote: 1 cha.Ma. panditohamasmiti 2 cha.Ma. aparikhatam, tika. avakhatam @3 cha.Ma. tanuvilepanena 4 cha.Ma. khuddakasambahanenaThe Pali Atthakatha in Roman Character Volume 13 Page 37. http://84000.org/tipitaka/read/attha_page.php?book=13&page=37&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=782&modeTY=2&pagebreak=1 http://84000.org/tipitaka/atthapali/rm_line.php?B=13&A=782&modeTY=2&pagebreak=1#p37
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]