อรรถกถาเล่มที่ ๑๓ หน้าที่ ๓๘๔.

๑๐. วาทตฺถิกสุตฺตวณฺณนา [๑๑๑๐] ทสเม สิลายูโปติ สิลาถมฺโภ. โสฬสกุกฺกุโกติ โสฬสหตฺโถ. โสฬสกุกฺกูติปิ ปาโฐ. เหฏฺฐา เนมงฺคมาติ เหฏฺฐา อาวาตํ ปวิฏฺฐา. อฏฺฐ กุกฺกุ อุปริเนมสฺสาติ อฏฺฐหตฺถา อาวาตสฺส อุปริ อุคฺคนฺตฺวา ฐิตา ภเวยฺยุ ํ. ภุสาติ พลวตี. เสสํ สพฺพตฺถ อุตฺตานเมวาติ. สีสปาวนวคฺโค จตุตฺโถ. ----------- ๕. ปปาตวคฺค ๑. โลกจินฺตาสุตฺตวณฺณนา [๑๑๑๑] ปญฺจมสฺส ปฐเม สุมาคธาย โปกฺขรณิยาติ เอวํนามิกาย โปกฺขรณิยา. โลกจินฺตํ จินฺเตนฺโตติ "เกน นุ โข จนฺทิมสูริยา กตา, เกน มหาปฐวี, เกน มหาสมุทฺโท, เกน สตฺตา อุปปาทิตา, ^๑- เกน ปพฺพตา, เกน อมฺพตาลนาฬิเกราทโย"ติ เอวรูปํ โลกจินฺตํ จินฺเตนฺโต นิสีทิ. วิเจโตติ วิคตจิตฺโต วิกฺขิตฺตจิตฺโต วา. ภูตํเยว อทฺทสาติ เต กิร อสุรา สมฺพริมายํ สมฺปริวตฺเตตฺวา ยถา เน โส ปุริโส หตฺถิอสฺสาทีสุ อารุหนฺเต อุกฺขิปิตฺวา ^๒- ภิสมุฬาลจฺฉิทฺเทหิ ปวิสนฺเต ปสฺสติ, เอวํ อธิฏฺฐหึสุ. ตํ สนฺธาย สตฺถา "ภูตํเยว อทฺทสา"ติ อาห. เทวานํเยว โมหยมานาติ เทวานํ จิตฺตํ โมหยนฺตา. ตสฺมาติ ยสฺมา โลกจินฺตํ จินฺเตนฺโต อุมฺมตฺตโกปิ โหติ, ตสฺมา. ๒-๓. ปปาตสุตฺตาทิวณฺณนา [๑๑๑๒-๑๓] ทุติเย ปฏิภานกูโฏติ เอโก มหนฺโต ปพฺพตสทิโส มริยาทปาสาโณ. ตติเย อนิฏฺฐรูปนฺติ อนิฏฺฐสภาวํ. @เชิงอรรถ: ^๑ ก. อุปฺปาทิกา ^๒ สี. อุปฺปติตฺวา

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๘๔. http://84000.org/tipitaka/read/attha_page.php?book=13&page=384&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=8350&modeTY=2&pagebreak=1 http://84000.org/tipitaka/atthapali/th_line.php?B=13&A=8350&modeTY=2&pagebreak=1#p384