บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 366.
9. Sammaditthisuttavannana [89] Navame sammaditthikotiadihi atthangikamaggavasena pathamasutte viya satta sekha gahita. Dutiyavare dasangikamaggavaseneva va arahattaphalananaarahattaphala- vimuttihi saddhim, atthangikamaggavasena va sukkhavipassakakhinasavo kathito, tatiyavare ubhatobhagavimutto, catutthavare tathagato ca tathagatasadisakhinasavo cati. Iti idam suttam pathamasutte kathitapuggalanam vaseneva kathitam, desanamattameva panettha nananti. 10. Khandhasuttavannana [90] Dasame pathamavare 1- arahattatthaya payogam anarabhitva thito pamadavihari sekhapuggalo kathito. Dutiyavare 2- anuppaditajjhano araddhavipassako appamadavihari sekhapuggalo kathito. Tatiyavare 3- araddhavipassako appamadavihari atthavimokkhalabhi sekhapuggalo kathito. Catutthavare paramasukhumalakhinasavoti. Macalavaggo catuttho. -------------- 10. 5. Asuravagga 1. Asurasuttavannana [91] Pancamassa pathame asuroti asurasadiso bibhaccho. 4- Devoti devasadiso gunavasena abhirupo pasadiko. 2. Pathamasamadhisuttavannana [92] Dutiye ajjhattam cetosamathassati niyakajjhatte appanacittasamadhissa. Adhipannadhammavipassanayati sankharapariggahakavipassanananassa. Tanhi adhipannasankhatanca, pancakkhandhasankhatesu ca dhammesu vipassanabhutam, tasma "adhipannadhammavipassana"ti vuccatiti. @Footnote: 1 Si. pathamavarena 2 Si. dutiyavarena 3 Si. tatiyavarena 4 Ma. vigacchoThe Pali Atthakatha in Roman Character Volume 15 Page 366. http://84000.org/tipitaka/read/attha_page.php?book=15&page=366&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=8448&modeTY=2&pagebreak=1 http://84000.org/tipitaka/atthapali/rm_line.php?B=15&A=8448&modeTY=2&pagebreak=1#p366
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]