"idheva bhante bhikkhu vivicceva kāmehi .pe. Catutthaṃ jhānaṃ upasampajja viharati.
Idaṃ bhante anussatiṭṭhānaṃ evaṃ bhāvitaṃ evaṃ bahulīkataṃ diṭṭhadhammasukhavihārāya
saṃvattatī"ti. Abbhanumoditā hotīti tathāgato viya yoniso abbhanumoditā hoti.
Tathāgato hi ānandattherena pañhe vissajjite "sādhu sādhu ānanda, tenahi
tvaṃ ānanda imaṃ 1- chaṭṭhaṃ anussatiṭṭhānaṃ dhārehi. Idhānanda bhikkhu satova
abhikkamati satova paṭikkamatī"tiādimāha. Chaṭṭhādīni uttānatthāneva.
9. Khatasuttavaṇṇanā
[9] Navame sukkapakkho pubbabhāge dasahi 2- kusalakammapathehi paricchinno, upari
yāva arahattamaggā labbhati. Bahuñca puññaṃ pasavatīti ettha lokiyalokuttaramissakaṃ
puññaṃ kathitaṃ.
10. Malasuttavaṇṇanā
[10] Dasame dussīlassa bhāvo dussīlyaṃ, dussīlyameva malaṃ dussīlyamalaṃ.
Kenaṭṭhena malanti? anudahanaṭṭhena duggandhaṭṭhena kiliṭṭhakaraṇaṭṭhena ca. Tañhi nirayādīsu
Apāyesu anudahatīti anudahanaṭṭhenapi malaṃ. Tena 3- samannāgato puggalo mātāpitūnaṃpi
santike bhikkhusaṃghassāpi antare bodhicetiyaṭṭhānesupi jigucchanīyo hoti,
sabbadisāsu cassa "evarūpaṃ kira tena pāpakammaṃ katan"ti avaṇṇagandho vāyatīti
duggandhaṭṭhenapi malaṃ. Tena samannāgato puggalo gatagataṭṭhāne upatāpañceva labhati,
kāyakammādīni cassa asucīni honti apabhassarānīti 4- kiliṭṭhakaraṇaṭṭhenapi malaṃ. Apica
taṃ devamanussasampattiyo ceva nibbānasampattiṃ ca milāpetīti milāpanaṭṭhenapi malanti
veditabbaṃ. Issāmalamaccheramalesupi eseva nayo.
Bālavaggo paṭhamo.
@Footnote: 1 cha.Ma.,i. imampi 2 cha.Ma.,i. dasahipi
@3 cha.Ma. tena ca 4 ka. aparāyanānīti
The Pali Atthakatha in Roman Character Volume 15 Page 81.
http://84000.org/tipitaka/read/attha_page.php?book=15&page=81&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=1787&pagebreak=1
http://84000.org/tipitaka/atthapali/rm_line.php?B=15&A=1787&pagebreak=1#p81
