บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 115.
Yasmiṃ ṭhāne sakalaṃ vaṭṭadukkhaṃ nirujjhati, taṃ amatamahānibbānaṃ te bhikkhū jānantīti. Imasmiṃ sutte cha anuttariyāni missakāni kathitānīti. Anuttariyavaggo tatiyo. ---------------- 4. Sekhaparihāniyavagga 1- 1. Sekhasuttavaṇṇanā [31] Catutthassa paṭhame sekhassāti sattavidhassa sekhassa. Puthujjane pana vattabbameva natthi. Parihānāyāti upariguṇehi parihānāya. 2- 2-3. Aparihānasuttadvayavaṇṇanā [32-33] Dutiye satthugāravatāti satthari garubhāvo. Dhammagāravatāti navavidhalokuttaradhamme garubhāvo. Saṃghagāravatāti saṃghe garubhāvo. Sikkhāgāravatāti tīsu sikkhāsu garubhāvo. 3- Appamādagāravatāti appamāde garubhāvo. Paṭisanthāra- gāravatāti dhammāmisavasena duvidhe paṭisanthāre garubhāvo. Satthā 4- garu assāti satthugaru. Dhammo 5- garu assāti dhammagaru. Tibbagāravoti bahalagāravo. Paṭisanthāre gāravo assāti paṭisanthāragāravo. Tatiye sappatissoti sajeṭṭhako sagāravo. Hirottappaṃ panettha missakaṃ kathitaṃ. 4. Mahāmoggallānasuttavaṇṇanā [34] Catutthe tisso nāma bhikkhūti therasseva saddhivihāriko. Mahiddhiko mahānubhāvoti ijjhanaṭṭhena mahatī iddhi assāti mahiddhiko. Anupharaṇaṭṭhena @Footnote: 1 cha.Ma. devatāvagga 2 Sī. uparūpariguṇehi parihānāya, cha.Ma. uparūpariguṇaparihānāya @3 ka. gāravakaraṇaṃ 4 ka. satthari 5 ka. dhammeThe Pali Atthakatha in Roman Character Volume 16 Page 115. http://84000.org/tipitaka/read/attha_page.php?book=16&page=115&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=2579&pagebreak=1 http://84000.org/tipitaka/atthapali/rm_line.php?B=16&A=2579&pagebreak=1#p115
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]