romanATTHA book 16 Page 116.

Mahā ānubhāvo assāti mahānubhāvo. Cirassaṃ kho mārisa moggallāna imaṃ pariyāyamakāsīti evarūpaṃ loke pakatiyā piyasamudāhāravacanaṃ ^1- hoti. Lokiyā hi cirassaṃ āgataṃpi anāgatapubbaṃpi manāpajātiyaṃ āgataṃ disvā "kuto bhavaṃ āgato, cirassaṃ bhavaṃ āgato, kathaṃ te idhāgamanamaggo ñāto, kiṃ maggamūḷhosī"tiādīni vadanti. Ayaṃ pana āgatapubbattāyeva evamāha. Thero hi kālena kālaṃ brahmalokaṃ gacchatiyeva. Tattha pariyāyamakāsīti vāraṃ akāsi. Yadidaṃ idhāgamanāyāti yo ayaṃ idhāgamanāya vāro, taṃ carissaṃ akāsīti vuttaṃ hoti. Idamāsanaṃ paññattanti mahārahaṃ brahmapallaṅkaṃ paññāpetvā evamāha. Aveccappasādenāti adhigatena acalena maggappasādena. Imasmiṃ sutte sotāpattimaggañāṇaṃ kathitaṃ. 5. Vijjābhāgiyasuttavaṇṇanā [35] Pañcame vijjābhāgiyāti vijjākoṭṭhāsikā. Aniccasaññāti aniccānupassanāñāṇe uppannasaññā. Anicce dukkhasaññāti dukkhānupassanāñāṇe uppannasaññā. Dukkhe anattasaññāti anattānupassanāñāṇe uppannasaññā. Pahānasaññāti pahānānupassanāñāṇe uppannasaññā. Virāgasaññāti virāgānupassanā- ñāṇe uppannasaññā. Nirodhasaññāti nirodhānupassanāñāṇe uppannasaññāti. ^2- 6. Vivādamūlasuttavaṇṇanā [36] Chaṭṭhe vivādamūlānīti vivādassa mūlāni. Kodhanoti kujjhanalakkhaṇena kodhena samannāgato. Upanāhīti veraappaṭinissaggalakkhaṇena upanāhena samannāgato. Ahitāya dukkhāya devamanussānanti dvinnaṃ bhikkhūnaṃ vivādo ^3- devamanussānaṃ ahitāya dukkhāya saṃvattati? kosambikakkhandhake viya ^4- dvīsu bhikkhūsu vivādaṃ @Footnote: ¹ cha.Ma. piyasamudācāravacanaṃ, pa.sū. 2/391/208 cūḷataṇhāsaṅkhayasutta @² cha.Ma. uppannasaññā ³ cha.Ma. vivādo kathaṃ ⁴ cha.Ma. kosambakakkhandhake viya

The Pali Atthakatha in Roman Character Volume 16 Page 116. http://84000.org/tipitaka/read/attha_page.php?book=16&page=116&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=2600&pagebreak=1 http://84000.org/tipitaka/atthapali/rm_line.php?B=16&A=2600&pagebreak=1#p116