บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 362.
7. Nappiyasuttavaṇṇanā [87] Sattame adhikaraṇiko hotīti adhikaraṇakārako hoti. Na piyatāyāti na piyabhāvāya. Na garutāyāti na garubhāvāya. Na sāmaññāyāti na samaṇadhammabhāvāya. Na ekībhāvāyāti na nirantarabhāvāya. Dhammānaṃ na nisāmakajātiyoti 1- navannaṃ lokuttaradhammānaṃ na nisāmanasabhāvo na upadhāraṇasabhāvo. Na paṭisallānoti na paṭisallīno. Sāṭheyyānīti saṭhabhāvā. Kūṭeyyānīti kuṭabhāvā. Jimheyyānīti na ujukabhāvā. Vaṅkeyyānīti vaṅkabhāvā. 8. Akkosakasuttavaṇṇanā [88] Aṭṭhame akkosakaparibhāsako ariyupavādī sabrahmacārīnanti ettha sabrahmacāripadaṃ akkosakaparibhāsakapadehi yojetabbaṃ "akkosako sabrahmacārīnaṃ, paribhāsako sabrahmacārīnan"ti. Ariyānaṃ pana guṇe chindissāmīti antimavatthunā upavadanto ariyupavādī nāma hoti. Saddhammassa na vodāyantīti sikkhāttayasaṅkhātā sāsanasaddhammā assa vodānaṃ na gacchanti. Rogātaṅkanti ettha rogova kicchājīvitabhāva- karaṇena ātaṅkoti veditabbo. 9. Kokālikasuttavaṇṇanā [89] Navame kokāliko bhikkhu yena bhagavā tenupasaṅkamīti ko ayaṃ kokāliko, kasmā ca upasaṅkami? ayaṃ kira kokālikaraṭṭhe kokālikanagare kokālikaseṭṭhissa putto pabbajitvā pitarā kārite vihāre paṭivasati. 2- Cūḷakokālikoti nāmena, na pana devadattassa sisso. So hi brāhmaṇaputto mahākokāliko nāma. Bhagavati pana sāvatthiyaṃ viharante dve aggasāvakā pañcamattehi bhikkhusatehi saddhiṃ pajapadacārikaṃ caramānā upakaṭṭhāya vassūpanāyikāya vivekāvāsaṃ vasitukāmā te bhikkhū @Footnote: 1 cha.Ma..... jātikoti 2 cha.Ma. vasatiThe Pali Atthakatha in Roman Character Volume 16 Page 362. http://84000.org/tipitaka/read/attha_page.php?book=16&page=362&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=8143&pagebreak=1 http://84000.org/tipitaka/atthapali/rm_line.php?B=16&A=8143&pagebreak=1#p362
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]