บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 77.
Tesu yena kenaci parititto akanthappapamanam bhunjitva thito. Annesam hinananti aggarasehi annesam hinarasanam. Suttasoti suttato, suttabhavenati attho. Sesesupi eseva nayo. Tato tatoti suttadisu tato tato. Annesam puthusamanabrahmanappavadananti ye annesam puthusamanabrahmananam laddhisankhatappavada, tesam. Na pihetiti na pattheti, te kathiyamane sotumpi na icchati. Jighacchadubbalyaparetoti jighacchaya ceva dubbalabhavena ca anugato. Madhupindikanti salipittham bhajjetva 1- catumadhurena yojetva katam baddhasattupindikam, madhurapuvameva. Adhigaccheyyati labheyya. Asecanakanti madhurabhavakaranatthaya annena rasena anasittakam ojavantam panitarasam. Haricandanassati suvannavannacandanassa. Lohitacandanassati rattavannacandanassa. Surabhigandhanti sugandhagandham. 2- Darathadayo ca 3- vattadaratha vattakilamatha vattaparilahaeva. Udanam udanesiti udaharam udahari. Yatha hi yam telam manam gahetum na sakkoti, vissanditva gacchati, tam avasekoti vuccati. Yam ca jalam talakam gahetum na sakkoti, ajjhottharitva gacchati, tam oghoti vuccati. Evameva yam pitivacanam hadayam gahetum na sakkoti, adhikam hutva anto asanthahitva bahi nikkhamati, tam udananti vuccati. Evarupam pitimayam vacanam niccharesiti attho. 5. Pingiyanisuttavannana [195] Pancame nilati idam sabbasangahikam. Nilavannatiadi tasseva vibhagadassanam. Tattha na tesam pakativanno nilo, nilavilepanavilittatta panetam vuttam. Nilavatthati pattadukulakoseyyadinipi nesam nilaneva honti. Nilalankarati nilamanihi nilapupphehi alankata, tesam hatthalankaraassalankararathalankara- sanivitanakancukapi sabbe nilayeva honti. Imina nayena sabbapadesu attho veditabbo. @Footnote: 1 cha.Ma. bhajjitva 2 cha.Ma. sugandham 3 cha.Ma. ayam saddo na dissatiThe Pali Atthakatha in Roman Character Volume 16 Page 77. http://84000.org/tipitaka/read/attha_page.php?book=16&page=77&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=1719&modeTY=2&pagebreak=1 http://84000.org/tipitaka/atthapali/rm_line.php?B=16&A=1719&modeTY=2&pagebreak=1#p77
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]