romanATTHA book 2 Page 453.

Tire ussadento va navaya kilati dukkatam. Hatthena vati adisupi payoge payoge dukkatam. Keci hatthena udake khittaya kathalaya patanuppatanavaresu dukkatanti vadanti tam na gahetabbam. Tattha hi ekappayogatta ekameva dukkatam. Apica uparigopphake vuttani ummujjanadini thapetva annena yenakenaci akarena udakam otaritva va anotaritva va yattha katthaci thitam udakam antamaso bindum gahetva khipanakilayapi kilantassa dukkatameva. Atthajotakam pana akkharam likhitum vattati. Ayamettha vinicchayo. Sesamettha uttanameva. Pathamaparajikasamutthanam kiriya sannavimokkham sacittakam lokavajjam kayakammam akusalacittam tivedananti. Hassadhammasikkhapadam tatiyam. {342} Catutthasikkhapade. Kathayam nasseyyati katham ayam dhammo tanti paveni nasseyya. Tam va na sikkhitukamoti yena pannattena vuccati tam pannattam na sikkhitukamo. Appannattenati sutte va abhidhamme va agatena. {344} Evam amhakam acariyanam uggahoti ettha garayho acariyuggaho na gahetabbo. Paveniya agato acariyuggahova gahetabbo. Kurundiyam lokavajje acariyuggaho na vattati pannattivajje pana vattatiti vuttam. Mahapaccariyam suttam suttanulomam ca uggahitakanamyeva acariyanam uggaho pamanam ajanantanam katha appamananti vuttam. Tam sabbam paveniya agate samodhanam gacchati. Sesam uttanameva. Tisamutthanam

The Pali Atthakatha in Roman Character Volume 2 Page 453. http://84000.org/tipitaka/read/attha_page.php?book=2&page=453&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9554&modeTY=2&pagebreak=1 http://84000.org/tipitaka/atthapali/rm_line.php?B=2&A=9554&modeTY=2&pagebreak=1#p453