บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 142.
8. Lakkhaṇayuttivaṇṇanā [53] Idāni lakkhaṇayutti nāma hoti. Tattha yasmā ṭhapetvā nibbānaṃ seso sacchikaṭṭhaparamattho paccayapaṭibaddhatāya sappaccayo, paccayehi samāgamma katattā saṅkhato, uppajjitvā nirujjhanato sadā abhāvato asassato, uppattikāraṇa- saṅkhātassa nimittassa atthitāya sanimitto, nibbānaṃ vuttappakārābhāvato appaccayaṃ asaṅkhataṃ sassataṃ animittanti idaṃ sacchikaṭṭhassa lakkhaṇaṃ, tasmā yadi puggalopi sacchikaṭṭhaparamatthova, tassāpi iminā lakkhaṇena bhavitabbanti sandhāya puggalo sappaccayotiādayo aṭṭhapi anuyogā sakavādissa, paṭikkhepo paravādissa. Ājānāhi niggahantiādi panettha saṅkhittaṃ. Evametāni sakavādīpakkhe anulomapaccanīke anulomamattavasena aṭṭha pañcakāni veditabbāni. [54] Paravādīpakkhepi paccanīkānulome paccanīkamattavaseneva 1- aṭṭheva. Tattha yasmā paravādinā suttavasena sammatisaccaṃ sādhitaṃ, sammatiyā ca sappaccayādi- bhāvo natthi, tasmā yathāsambhavato 2- ca paṭikkhepo sakavādissa. Chalavasena pana vattabbaṃ "ājānāhi paṭikamman"tiādi sabbaṃ idhāpi saṅkhittameva. Lakkhaṇayuttikathāvaṇṇanā niṭṭhitā. ----------- 9. Vacanasodhanavaṇṇanā [55-59] Idāni vacanasodhanaṃ hoti. Tattha yadetaṃ puggalo upalabbhatīti vacanaṃ, taṃ sodhetuṃ puggalo upalabbhati, upalabbhati puggaloti pucchā sakavādissa. Tassattho:- yadetaṃ puggalo upalabbhatīti padadvayaṃ, taṃ ekatthaṃ vā bhaveyya nānatthaṃ vā. Yadi tāva nānatthaṃ, yathā aññaṃ rūpaṃ aññā vedanā, evaṃ @Footnote: 1 cha. paccanīkamattavasena, Ma. paccanīkavasena 2 cha.Ma. yāthāvatoThe Pali Atthakatha in Roman Character Volume 55 Page 142. http://84000.org/tipitaka/read/attha_page.php?book=55&page=142&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3170&pagebreak=1 http://84000.org/tipitaka/atthapali/rm_line.php?B=55&A=3170&pagebreak=1#p142
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]