บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 177.
Anāgatassa atthibhāvasādhanatthaṃ "nanu vuttaṃ bhagavatā kabaḷiṅkāro 1- ce bhikkhave"ti suttassa pariyosāne atthi tattha āyatiṃ punabbhavābhinibbattītiādi dassitaṃ, na taṃ anāgatassa atthibhāvasādhakaṃ. Tañhi hetūnaṃ pariniṭṭhitattā avassaṃ bhāvitaṃ sandhāya tattha vuttaṃ. Ayaṃ suttādhippāyo. Sesaṃ sabbattha uttānatthamevāti. Sabbamatthītikathāvaṇṇanā niṭṭhitā. ------------ 6. Atītakkhandhātiādikathā 1. Nasuttasādhanakathāvaṇṇanā [297] Idāni "atītaṃ khandhā"tiādikathā nāma 2- hoti. Tattha khandhādi- bhāvāvijahanato atītānāgatānaṃ atthitaṃ icchantassa atītaṃ khandhātiādipucchā 3- paravādissa, atītassa khandhasaṅgahitattā āmantāti paṭiññā sakavādissa. Puna atītaṃ atthīti 4- pucchā paravādissa, tassa niruttipathasuttena atthitāya vāritattā paṭikkhepo sakavādissa. Āyatanadhātupucchāsupi anāgatapañhesupi paccuppannena saddhiṃ saṃsanditvā anulomapaṭilomato āgatapañhesupi "atītaṃ rūpan"tiādi- pañhesupi imināva upāyena attho veditabbo. 2. Suttasādhanavaṇṇanā [298] Suttasādhane 5- pana na vattabbanti pucchā sakavādissa. Tattha natthi ceteti natthi ca ete dhammāti attho. Khandhādibhāve sati natthitaṃ anicchantassa āmantāti paṭiññā paravādissa, atha nesaṃ natthibhāvasādhanatthaṃ suttāharaṇaṃ sakavādissa. Dutiyapucchāpi paravādissa, paṭiññā sakavādissa, @Footnote: 1 cha.Ma. kabaḷīkāre 2 cha.Ma. ayaṃ saddo na dissati 3 cha.Ma. pucchā @4 cha.Ma. natthīti 5 Sī.,Ma. suttasodhaneThe Pali Atthakatha in Roman Character Volume 55 Page 177. http://84000.org/tipitaka/read/attha_page.php?book=55&page=177&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3966&pagebreak=1 http://84000.org/tipitaka/atthapali/rm_line.php?B=55&A=3966&pagebreak=1#p177
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]